ỊPọlụ bala ịSayịlasị mwu eje gwogbo ha iJihova ụka ọlẹ kị́ ju u-ube nya agba. (Ụkụ 16:25) Ọọwa ya ọngịrị haa dudu kị́ jẹ́ ba ọhụ myị́. Ahị ịnyịnyị alẹ tị bẹẹ? Eje ịlẹ kị́ họ chajị nya ọjịra-jịra bala eje ịkịla ịnyịnyị ka jẹ́-ẹ juhi ọhụ bala ọ-dahị ụbwọ nyọka godayị giri-giri ụka nya ịmayẹ myị́. Ma, ọlẹ kọ́ tị baba gụgụ wuu ri, ọ kaa ya ogbo ha iJihova. (Ej 28:7) Ị juhi ọhụ nyọka maga káhị ka jẹ́-ẹ mwu eje nyahị ịhyẹ la egbeju-egbeju. À maga nyọka họ ịnyị ụka ọhẹ lẹẹ? Ahị ka jẹ́-ẹ kpa ụka nya ang ọjẹ́jẹ nya ugbiyegu nyahị jẹ́ eje ịwẹ bala omyi ẹla ịlẹpwụ nyaa yẹẹyẹẹ myị́.

YẸ IFIM ỌLẸ KỌ RI, ANJWO KAA MWU EJE GWOGBO HA IJIHOVA, KÁ WẸ ỊTỌ ẸLA ILEJI ỊLẸ:

• Apyobwuna oyina ahị tị́ ka ye bwula o-mwu eje gwogbo ha iJihova?

• Ànyị Angị kaa họ Eje bala IFim à tị́ kaa bwu nwụlanọ ene kị́ kaa kịla eje omwumwu ju?

• Ànyị anjwo bala ugbiyegu nyaa à tị́ kaa nwụlanọ gbe ọ-ka kịla eje omwumwu ju?

• Eje nyahị oyina à tị́ hang gụgụ wuu? Ịyẹ tị́ du kọ́ háng?