ANG ODUDU ỌLẸ KỌ́ BABA: Kori ká ‘irya ọlọkịlẹtụ nya ọngịnyị-ị la kpori-kpori lala ụjẹ-ẹmwụ’ nya enyi wẹwẹ,  ịtọ ẹla lala ang ọ-kpa chị enyi ọlẹ kahị ka kpa gbilaa kpehe. (Etu 20:5) Ịtọ ẹla kaa dahị ụbwọ nyọka wo ẹla bwu ẹga nya angịkịla. Ọwẹwẹ nya ịtọ ẹla ị-jụ apyọbwụna ịlẹ kahị wẹẹ tọ, ka dudu kahị ka jẹ ẹla ọla irya nyaa ịnyịnyị. IJisọsị kaa tịtọ ẹla ụ-ụgbẹyị ọlẹ kọ pwọkwụ. Ányị ahị tị́ ka bwu ba ọgụ-ẹpẹtẹ nyamwụ jẹ?

JAABWỌ ÁHỊ KA BWU HỌ ỊNYỊ:

• Tịtọ ẹla ịlẹ kị́ ka gba ẹla ọla irya nya angịkịla kpehe. IJisọsị kaa tịtọ ẹla ị-jụ apyọbwụna nya ịlẹhị-ịlẹhị nyọka jẹ ẹla ọla irya nya angịjụgbẹyị nyamwụ. (Mat 16:​13-16; be-E 238 ¶3-5) Ịtọ ẹla ịlịnyị ịyịna, á tị́ ka jẹ́-ẹ tọ myị́?

• Tịtọ ẹla ịlẹ kị́ ka ma ụgbẹyị jẹ. Chajị nyọka nwụ irya nya iPita rịrị, iJisọsị tọọ ịtọ ẹla. Ọ myịmyị dọọ ụbwọ nyọka jẹ́ ẹla ọlẹ kọ ri nya ịlẹhị bwula ọ-ya ọwẹwẹ ịlẹ kị́ ka mẹ ụgbẹyị jọọ họ.(Mat 17:​24-26) Ịtọ ẹla ịlẹ kị́ ka ma ụgbẹyị jẹ ịyịna á tị́ ka tọ, nyọka da ọngọkịla ụbwọ jẹ ẹla ọlẹ ko ri nya ịlẹhị?

• Mịla oja ha angịlẹ kị́ kẹ ụrụ wo ẹla nyang. IJisọsị mịla oja ha ịtịcha ọ-mẹ ehile nya iMosisi jẹ ọhẹ nyọlẹ kọ kpa ẹla ọjẹ́jẹ wẹ ịtọ ẹla nyamwụ. (Mak 12:34) Ányị a tí ka mịla oja ha ọngọlẹ kọ wẹ ịtọ ẹla?

YẸ ỤPA ỌHỌHẸ NYA IFIM ỌLẸ KO RI: HỌ ỤKỤRWỌ ỌLẸ KÁ IJISỌSỊ HỌ​—MẸ ANG JẸ , KÁ WẸ ỊTỌ ẸLA ỊLEKPELEJI ỊLẸ:

• Nanana nyori ẹla ọwẹ ri ẹlịlẹhị, ịyẹ tị́ du ká ụgbẹyị ọwẹ-ẹ́ pwoku nyọka kpa mẹ ang jẹ ka?

• Ịyẹ tị́ du kahị ka ba ọọ-da ẹla wụlẹ kem kà?

YẸ ỤPA OHEEYE NYA IFIM ỌWE, KÁ WẸ ỊTỌ ẸLA ỊLEKPELEJI ỊLẸ:

• Ányị ọọnahị ọlẹng ọwẹ à tị́ kpa ịtọ ẹla mẹ ang jẹ ụ-ụgbẹyị ọlẹ kọ pwoku?

• Abwụma nya ang ọmẹjẹ nyamwụ ọkịla oyina ahị tị́ ka jẹ́-ẹ gbịla?