10:25-37

IJisọsị kpa oja ọwẹ wẹ ịto ẹla ọlẹ kọ ọleng ọhẹ tọọ wo yẹkẹẹ, “kpakpakpa lẹẹ, o-owo a tị́ ri ọngịnyị ehe ọọnam?” (Lu 10:​25-29) IJisọsị jẹ́ nyori ọjịra-jịra nya angịnyị nyamwụ ka myị la iru nya “angịnyị ehe” ịlẹ kị bwu ẹga ịdatị-datị​—tụ ala ịSameriya bala ịJẹntayịlị. (Jọn 12:32) Lẹ, oja ọ-chụ pwokwịta ọwẹ mẹjẹ angịjụgbẹyị nyamwụ nyori, ị ka maga nya ịlẹhị-ịlẹhị nyọka mẹ ọháha jẹ ẹ-ẹga nya angịkịla, tụ angịlẹ kị bwu ẹpwụma nyaa ka.

TỊLỌNG WO WẸẸ:

• ‘Ányị m tị́ kaa yẹ aanahị alẹng bala anyang ịlẹ kị bwu ọja ọkịla?

• M̀ kaa yẹ jula angịlẹ kị́ bwu oja nyam kem ịnyị?

• M̀ kaa wụrụ ọkịlẹtụ nyam da gbadaa ha aanahị ịla ọjịra-jịra ịlẹ ká iwe-ahụrụ nyaa datị hi ịnyam bwula ọ-ka jwaa ụga?’ (2Kọr 6:13)

M̀ tịtọ m ka wụrụ nyọka . . .

•  họ ụkụrwọ balam ẹ-ẹrụ ọnyịịla ọ-kpa pyẹ

•  ri ang oriri balam ẹ-ẹpwa nyam

•  yẹ jula ugbiyegu nyam, ụka nya Ang Ọjẹ́jẹ nya Ugbiyegu nyahị ọkịla