9:62

Ọngọlẹ kọ́ juwa kpa ẹrụ wu, á ka myịmyị juwa kpẹhị chị kẹkpẹ ọọlajị nya ang ịlẹkpẹ nyamwụ ka, chajị ká ịgba nya ẹrụ nyamwụ ka rụ kpụrụrụ. Ịnyịnyị, angịnyị nya ịKịraysị-ị́ ka yẹ ẹga da, ang ilodehe ịlẹ kị́ tụụbwọ hi ka chaa mileji ka:​—Fil 3:13.

Ụka káhị juwa ẹ-ẹpwụ nya akama, ọchịkpẹ nyọka juwa mama nya ụka ọhẹ ọlẹ káhị me nyori iwe-ahụrụ hágụ alẹẹlẹẹ, ọhẹka ene káhị-ị̀ jẹ́ ẹlịlẹhị. Ụka ọlịnyị, ahị kaa me irya nya ọkẹkẹnị ọla ụka ọọwa kem, áhị kaa kpịtịya nya akama ọla ụka ọọwa kaka. Ịnyị Ala Isirẹlụ à họ ụka ọlẹ kị́ kpehe bwu Ijipti kpá lẹ. (Ọwa 11:​5, 6) Kori káhị juwa kụ irya ịlịịwẹ gbee, ọọwa ka guhi gbaa nyọka tịrẹkpẹ ka ọhịhị ọlẹ káhị la ene-ene, jaabwọ ká ebwu ka tịrẹkpẹ kaka go ịkọ ọkọkọ nyamwụ ri myịmyị. Ọkọkọ nyọka họ ịnyị, ọ ka hágụ kori káhị kụ irya ju ahị ọwawa ịlẹ káhị la lẹẹlẹẹ bala ọkẹkẹnị ọlẹ káhị ka ye ị-Ịpyị-Adịrahụ nya Ohe Oluhye ị-ịlahị!​—2Kọ 4:​16-18