IJisọsị ya ọgụ-ẹpẹtẹ ọnyịịla deji hahị káhị ka ba jẹ, ọgụgụ wuu ụka ká akama lee ịtụpyịpyị á chịhị ọgụ. (1Pi 2:​21-23) Ụka ọlẹ kị́ doo ido, ọ dido kwiwa kpongkpong ka, tụ ụka ọlẹ kọ́ juwa ẹ-ẹpwụ nya ajụjụ. (Mak 15:​29-32) Ịyẹ à tị́ dọọ ụbwọ dudu kọ́ ba ọhụ myị́? Ọ chị eje la ọngịrị-ọngịrị nyọka họ irya nya iJihova. (Jọn 6:38) Ọ myịmyị ya irya nyamwụ wuu nịra “ọkẹkẹnị ọtụka ọlẹ ká Ohe Oluhye huno ị-ịlahị gboo.”​—Hib 12:2.

Ányị ahị tị́ kaa họ ụka kị́ juwa tụhị pyịpyị ọ-ọlajị nya ọmyịmyị nyahị? Angịnyị nya ịKịrayịsị nyịlẹhị-ị́ kaa “họ ang onyobyi kwiwa” nya ọlẹ kị́ haa ka. (Ro 12:​14, 17) Ụka káhị ba ọgụ-ẹpẹtẹ nya ịKịrayịsị jẹ jaabwọ kọ́ ba ọhụ ẹ-ẹpwụ nya ịmayẹ, ahị ka chị ọkẹkẹnị yẹẹyẹẹ chajị ahị jẹ́ nyori ẹla nyahị kpa Ohe Oluhye ịpyọ.​—Mat 5:​10-12; 1Pi 4:​12-14.

YẸ IFIM ỌLẸ KỌ RI: ẸNYỊ NYA IJIHOVA À BABA GỤGỤ WUU LẸ, KÁ WẸ ỊTỌ ẸLA ỊLEKPELEJI ỊLẸ:

• Ányị ọọnahị Pötzinger * à tị́ kpa ụka nyamwụ họ ụkụrwọ ọnyịịla ụka ọlẹ kị́ woo ju u-ube nya agba ụbwọmwụ-ụbwọmwụ-ụ̀?

• Akama iyina ọọnahị Pötzinger bala ọrụmwụ à tị́ yẹ ụka ọlẹ kị́ kpaa kaka ju la alagba ịkịla ẹ-ẹga ọ-datị-datị?

• Ịyẹ à tị́ daa ụbwọ dudu kị́ jẹ́ ba ọhụ myị́?