25:​1-12

Nanana nyori iJisọsị chụ oja nya anjwo ịyẹẹnọ iwo ịwẹ kwịta nyọka mẹ ang jẹ angịlẹ ká olegu nya Ohe Oluhye chụ, ẹla ọlẹpwụ nya oja ọwẹ gu Angịnyị nya ịKịrayịsị wuu ịnyịnyị. (w15 3/15 12-16) “Anụ juwa gbeji giri-giri mẹ. Chajị anụ jẹ́ ẹnụtụrụ lee awa ọlẹ kaam Ọnyị nya ọngịnyị ehe ọlẹ ka mwẹẹwkpẹ warị kpangga datị ka.”(Mat 25:13) À jẹ́ etu nya oja ọ-chu pwo kwịta nya iJisọsị ọwẹ á ka jẹ́-ẹ ya?

• Ọrụ-ahụ onyeewe (ọgba 1)​—iJisọsị

• Anjwo ịyẹẹnọ ị-jẹ́ ẹla (ọgba 2)​—Angịlẹ ká olegu ịgọgọ chụ kị nwụlanọ nyọka họ ụkurwọ nyaa kpẹẹkpẹẹ bala ọ kpịlaa cheri-cheri gbee ka pwụ ụka ocheju (Fil 2:15)

• Iwuru ọdada: “Ọrụ-ahụ onyeewe pwụ eji lẹ”(ọgba 6)​—Ọmẹjẹ nya eji ọ-pwụ́pwụ nya iJisọsị

• Anjwo ịyẹẹnọ ịlẹ kị ri aluchu (ọgba 8)​—Angịlẹ ká olegu ịgọgọ chụ kị kpehe kaka ta ọrụ-ahụ onyeewe, kị tị kịnyaa la eji ogbegbe lee ọ-dayị girir ka

• Anjwo ịyẹẹnọ ị-jẹ́ ẹla pwa nyọka chị ida nya ha angịkịla (ọgba 9)​—Ụka ká olegu ịgọgọ nya Ohe oluhye chụ angịnyị kpá lẹ, angịlẹ kị chụ wẹẹ ị ka jẹ́-ẹ da angịlẹ kị jahị kpata kaka họ ang onyobyi ụbwọ ụka ọọwa kaka

• “Ọru-ahụ onyeewe pwụ eji” (ọgba 10)​—IJisọsị warị lụka nya ọmyịmyị nya akama ọtụka okpelego nyọka la anginyi eje

• Anjwo ịyẹẹnọ ị-jẹ́ ẹla ba ọrụ-ahụ onyeewe ka ẹpwụ nya ọjịra-ọjịra nya ang oriri nya ahụ oyeye ọọwa lẹ, ị tụ ụgbẹyị ku lẹlẹ(ọgba 10)​—IJisọsị go angịlẹ kị họ kpẹẹkpẹẹ ká olegu ịgọgọ chụ kpa rụ kele ka epwoohe, ma angịlẹ kị họ kpẹẹkpẹẹ-ka ya ahị odaile ọlẹ la nyọka ka epwoohe byi