ỊYẸ TỊ́ DU KỌ BABA: Kori ká angịlẹ kahị wẹẹ jẹ́ ang ta á nwụla ụpwụ nyaa nọ, ọọwa ka du ká ang ọlẹ kahị ka mẹ jaa ka laa gbagbịla bala ọ-ka kpịtịya nyaa. Jaabwọ kị wẹẹ wo etu nya ang ọlẹ kị wẹẹ jẹ́ bala ọ-kpịtịya nyaa, ịnyịnyị ị kaa nwa kịlahị hyaa-hyaa ẹ-ẹpwụ nyamwụ lẹ. Korị ki hu enyi Ohe kpá, ọ baba kị ka nwụlanọ nya ọjịra-ọjịra bala ẹrụ ọnyịịla ọ-kpa pyẹ chajị kị ka jẹ́-ẹ “juwa gbeji giri-giri.” (Mat 25:13) Lẹẹlẹ, ọ-jé ang jaabwọ kị ka bwu nwụla ang ọjẹ́jẹ nyaa nọ ọlam-ọlam bala ọ-ka kịnyaa ẹ-ẹpwụ nyamwụ ka daa ụbwọ yẹẹyẹẹ ẹ-epwụ nya ọhịhị nyaa. Bwu ọmwụ ọdada, ahị maga kahị da angịlẹ kahị wẹẹ jẹ́ ịBayịbụụ ta ụbwọ nyoka nwulanọ gbe ang ọjẹ́jẹ bwu ịBayịbụụ ụka wuu.

JAABWỌ ÁHỊ KA BWU HỌ ỊNYỊ:

• Ya ọgụ-ọpẹtẹ ọnyịịla deeji. (Ro 2:21) Nwụla ang ọlẹ á ka mẹjẹ ọngọlẹ á kaa jẹ́ ịBayịbụụ ta nọ ụka myị́ ụka, bala ọ-kpọọ irya ịnyịnyị. (km 11/15 3) Mẹ jọọ kọ yẹ jaabwọ ká nwụla ụpwụ nyang nọ

• Jwọọ ọhụ kọ ka nwụlanọ. Họ kọ jẹ́ ahyaahị ụka-á dọmwụ nya ang ọ-jẹ́ tọọ nyori ọ-ka nwụlanọ ri ụpa nya ịBayịbụụ ọjẹ́jẹ ịnyịnyị, bala o-ya apyobwuna ọlẹ kọ juwa jwọọ. Mẹ jọọ ang ịhyẹ ịlẹ ọ ka jẹ́-ẹ họ nyọka ye ụka nwụla ụpwụ nyamwu nọ. Angịhyẹ kaa ya ụpwụ ọ-kpa jẹ́ ang nyaa ọlẹ kị nwụlanọ ha ọngọlẹ kị wẹẹ jẹ́ ang ta ụka kị juwa jẹ́ ang nyọka daa ụbwọ jẹ́ apyobwuna ọlẹ kọ juwa ẹ-ẹpwụ nyọka nwụlanọ. Dọọ ọlẹẹkwa ụka kọ nwụlanọ

• Mẹjọọ jaabwọ kọ ka nwụlanọ. Angịhyẹ kaa kpa ụka ọhẹ ọlẹ kị hu nọ nyọka kpa jẹ́ ang mẹ ang jaa jaabwọ kị ka bwu nwụla egbeju nya ẹla ọlẹ kị wẹẹ ka jẹ́ nọ, ụka kị dọmwụ nya ang ọjẹ́jẹ bwaa