HỊHỊ LALA ANGỊNYỊ NYA ỊKỊRAYỊSỊ
ỊBayịbụụ Ọwawa Ẹnụ Myị́ Ẹnụ Bala Ẹla Ọjẹ́jẹ ọ-Pịlahị
Ẹla ọjẹ́jẹ o-bwu ẹga nya Ohe Oluhye ju apyobwuna lala ōgbè. (Etu 2:1-6) Ẹla ọjẹ́jẹ kaa dahị ụbwọ kụ ẹhị yẹ ẹla kpori-kpori bala o-cheje ọnyịịla. Ọ kaa chewu keehi bala o-gbehi. Lẹẹlẹ, ọ ri ang ‘ọ-gụ ang ịkịla wuu.’ (Etu 4:5-7) Ọ baba nyahị ọ-ka nịra kpii nyọka yé ang ụdụ nya olegu bwu ẹpwụ nya Omyi Ẹla nya Ohe Oluhye. Ahị ka dọmwụ myị bwula ọ-wa Omyi Ẹla nya Ohe Oluhye “lẹnụ bala alodu,” ọọwa ri ẹnụ myị́ ẹnụ. (Joch 1:8) Kụ ẹhị yẹ irya ị-gba kpehe ịhyẹ ịlẹ kị ka dahị ụbwọ nyọka wa Omyi Ẹla nya Ohe Oluhye ụka myị́ ụka bala ọ-ka yé ịpyọ ọkpụkpụ bwu ẹpwụ nyamwụ lẹẹ wẹẹ.
YẸ IFIM ỌLẸ KỌ RI ANJWO WẸ KA LA ỌHÁHA Ẹ-ẸGA NYA OMYI ẸLA NYA OHE, KANỤ WẸ ỊTỌ ẸLA ILEJI ỊLẸ:
Ịyẹ à tị́ du kọ la ikolobya bala ịyẹẹnọ ịwẹ ujwo nyọka wa ịBayịbụụ ẹnụ myị́ ẹnụ? Ịyẹ à tị́ daa ụbwọ?
-
Melanie
-
Samuel
-
Celine
-
Raphaello
ỤKA BALA ABWỌLẸ KAM NWỤLANỌ NYỌKA WA ỊBAYỊBỤỤ:
