Ahị la ifim nya ịBayịbụụ ọjẹ́jẹ ine ịlẹ kahị ka kpa họ ụkụrwọ ẹ-ẹrụ ọnyịịla ọ-kpa pyẹ. Ịyẹ tị́ du kị́ họ ọnyọnyọọnyị nyaa?

• Ịyẹ Tị́ Du Kahị ka Jẹ́ ỊBayịbụụ?—Ọlẹpwụ-lẹpwụ ọwẹ ri ọlẹ kị họ nyọka da angịnyị i-bwu ịgba ọgbagba ọnyị myị́ ọnyị ụbwọ nyọka la irya ọnyịịla u-uhye nya ịBayịbụụ. Ọọ ju angị kaa yọọ ọhụ nyọka mwahị nya ọwẹwẹ nya ịtọ ẹla ịkpọnchị u-uhye nya ọhịhị bwu ẹpwụ nya ịBayịbụụ bala ọ-ya ẹla u-uhye nya ọwẹwẹ ịlịnyị ịhyẹ ịlẹ kị yẹ ẹ-ẹpwụ nya ịBayịbụụ. Ọ ya jaabwọ kị ka bwu tọ wo nya ịBayịbụụ ọjẹ́jẹ.

• Ịyẹ Tị́ Du Kahị ka Jẹ́ ỊBayịbụụ? (ọ-chị kpii) ọlẹ me ọlẹpwụ-lẹpwụ, ma ị-chụ ẹla ọlụwa hi yẹẹyẹẹ. Ahị tị ka kpa ọwẹ họ ụkụrwọ yẹẹyẹẹ ẹ-ẹga ọlẹ ká angịnyị la ụka nwà ka myị.

• Ányị Ahị tị-ị Bwu Jẹ́ ỊBayịbụụ Bala Angịnyị? ị họọ nyọka da angịnyị ụbwọ la irya ọnyịịla u-uhye nya abwọlẹ kahị kaa jẹ́ ịBayịbụụ bala angịnyị la ọ-nwuri ka bala ọ-wẹ ịtọ ẹla ịhyẹ ịlẹ kịị tọ u-uhye nya ịBayịbụụ ọjẹ́jẹ, ọ tị ya jaabwọ kị ka bwu tọ wo nya ịBayịbụụ ọjẹ́jẹ ịnyịnyị.

• Wụraba Wẹ ỊBayịbụụ Ọjẹ́jẹ Nyang, ị họ ifim ọwẹ nyọka mọọ jẹ angịlẹ kahị kaa jẹ́ ang ta. Ị ka mọọ jẹ ụka kị pwụ ẹbẹ oheeye nya ụpwụ nya Chị Ọkẹkẹnị Gboyi Myị Oyi! ịnyị, ị tị ka mọọ jẹ ụka kị ka jẹ́ ang lụpwụ nya Chị Ọkẹkẹnị Gboyi Myị Oyi! ochiche myị. Ifim ọwẹ ya ẹla u-uhye nya egbeju ẹla ịla ụpwụ ọwẹ bala ang ọlẹ ká ọngọ wẹẹ jẹ́ ịBayịbụụ ka yẹhị rịrị gbe lụka nya ang ọjẹ́jẹ.

lẹhị lẹ, ọ-la ang odudu ọlẹ kpangga kị họ ọnyọnyọọnyị nya ifim ịwẹ, ma ahị ka mẹ ọnyị myị́ ọnyị jẹ lee ọ-ya du ẹrụ ta angịnyị ụka kọ chịla myị. Ị ju angị kpa ẹrụ ọnyịịla pyẹ ọhụ nyọka jẹ ifim ịwẹ yẹẹyẹẹ bala ọ-kpa họ ụkụrwọ yẹẹyẹẹ ẹ-ẹrụ ọnyịịla ọ-kpa pyẹ.