Ọnchẹ ọchịla o-hu ọkịlẹtụ ha bala ọngọ jẹ́ ẹla kaa ya ang oriri hahị “lụka ọchịla-chịla,” ọọwa tị mẹjẹ nyori iJihova, ọngọlẹ kọ wẹẹ kpa ọnchẹ ọwẹ ụgbẹyị, jẹ́ ang nya olegu ịlẹ kị baba hahị. (Mat 24:45) Ẹ-ẹpwụ nya ang ịkịla ịlẹ kọ ya hahị, ọjịra-jịra ọtụka nyahị bala ọjịra-jịra nya epwihi-epwihi mẹjẹ nyori ọlịnyị ịnyịlẹhị.

YẸ IFIM ỌLẸ KORI OJA O-BWU ẸGA NYA ALA TEACHING COMMITTEE NYA ẸKA 2017, KÁ WẸ ỊTỌ ẸLA ILEJI ỊLẸ:

• Owo à tị chịla nyọka ye obe ojiji chajị nya ọjịra-jịra ọtụka ọlẹ kahị kaa ye apyobwuna bwu, Ịyẹ tị du?

• Ụka oyina ị tị kaa dọmwụ nya ụkụrwọ ọhọhọ u-uhye nya ọjịra-jịra ọtụka nyahị?

• Ányị ị tị kaa bwu chu egbeju nya ala nya ọjịra-jịra ọtụka nyahị?

• Ụkụrwọ ọlanyị à tị́ juwa ẹ-ẹpwụ nyọka nwụla ọjịra-jịra ọtụka nyahị nọ?

• Ányị abwụma nya ang ọjẹ́jẹ nya epwihi nyahị à tị́ bwu lala olubeẹpwụ nya Gilead?

• Ányị ebwo nya ala ụkụrwọ ịdatị-datị à tị́ bwu họ ụkụrwọ lawụlẹ, nyọka nwụla ụpwụ ọ-kpa jẹ́ ang nyahị nọ?

Ányị ọ tị lang u-uhye nya ang ịlẹ ká iJihova wẹẹ ya hahị, chajị ká ọmyịmyị nyahị ka juwa la ọngịrị?