Ịyẹ tị du kahị ka bịrị ụka bala angịlẹ kị la ọháha ha iJihova? Angịlẹ kahị kaa bịrị ụka bala ka jẹ́-ẹ dahị ụbwọ nyọka họ ang ịnyịịla lee o-juhi ọhụ nyọka họ ang ọtịpyọ myị́. (Etu 13:20) Ọ-chụ pwokwita, Adịrahụ iJowachị “họ ang ọlẹ kọ kpu [iJihova] ọkịlẹtụ nyii” nyọlẹ kọ kaa bịrị ụka bala ọngọkiliya iJehoyada. (2Ego 24:2) Ma, ụka ká iJehoyada gbu kpá, iJowachị ji ẹkpẹ da iJihova chajị nya aligu ịtịpyọ ịlẹ kọ la.—2Ego 24:17-19.

Lụka nya oyi nya ogbanye, ọngọmyẹrụ ịPọlụ chụ ọjịra-jịra nya angịnyị nya ịKịrayịsị kaka pwoku “ọdọdẹpwa ọtụka” bala ọ-chụ ala ọjịra-jịra kaka pwoku “ịja” lee ang-abwọ i-ju ang oriri. Ahị ka jẹ́-ẹ ri “ịja ilihi-ihi” kori kahị cheji ba hi ọ-ka ri igu bala ọngọngọhẹ ọlẹ kọ kaa họ ang ịlẹ kịị wu iJihova ẹjẹ, kọri ká ọngọọwa a ri alugbiyegu nyahị lee ala ọjịra-jịra nyahị wẹwẹ. (2Tim 2:20, 21) Chajị nya ọọwa lẹ, ahị kịnyaa la ọ-ka ri igu bala angịlẹ kị la ọháha ha iJihova bala angịlẹ kị ka juhi ọhụ nyọka gbịgba họọ mẹ.

YẸ IFIM ỌLẸ KỌ RI, JẸ JAABWỌ À KA BWU CHEJI BA HI OGU ỌTỊPYỌ. KÁ WẸ ỊTỌ ẸLA ILEJI ỊLẸ:

• Ányị ahị tị ka jẹ́-ẹ juwa bịrị ụka nyahị bala aligu ịtịpyọ la ọ-jẹjẹ ka?

• Ẹ-ẹpwụ nya ifim ọwẹ, ịyẹ tị da aanahị angị ịta ịwẹ ụbwọ nyọka chebwo hi ogu ọtịpyọ?

• Itiwe nya ehile ịlẹpwụ nya ịBayịbụụ iyina a tị́ ka jẹ́-ẹ dang ụbwọ nyọka chụ aligu ịnyịịla?