“Ohe Oluhye ka [hịlẹ] egbejida hi egbahị nya angịnyị nyamwụ ịịwa wuu. Igu ogbugbu [akama] ọhẹ-lọhẹ á ka ji kaka. Lee, ida obaba bala ida ojeje ọhẹ-lọhẹ ọ-ka jiji kaka. Lee, ang ọjụjụ ọhẹ-lọhẹ, ọ ka ji kaka ịnyịnyị.”—Ọwụrụụ-wụrụ 21:3, 4, ỊBayịbụụ nya Ohe Oluhye.

Ahị jẹ́ myị̀myị̀ nyori ó-Ohe Oluhye à ju ọmwụ nya akama nyahị ka.—IJemsi 1:13.

O ri ẹjẹ ọkpụ́kpụ hahị nyọka jẹ́ nyori ọ-kaa ta Ohe Oluhye olujwo ụka kahị juwa yẹ akama.—ịSẹkaraya 2:8

Ahị lahị ọdahile nyori akama wuu ka myị́ ẹnẹhẹ wẹẹ.—Eje Ọnyịịla 37:9-11.

Ee, u-uhye nya ahị nya ẹla imiiye:

• Akama bala ẹla ọ-họ kịrọrọ wụ Ohe Oluhye ẹjẹ. Kụ irya jaabwọ ọlẹ kọ́ la iJihova ụka kị́ yẹ angịnyị nyamwụ ịlụka onyogo akama wẹẹ. ỊBayịbụụ ya nyị kaa ta Ohe Oluhye olujwo “ụka myị ụka ká aluji-í yẹ” angịnyị nyamwụ akama.—Angịleje 2:18, ỊBayịbụụ nya Ohe Oluhye.

  Ọ-kaa ta Ohe Oluhye olujwo ụka ká angịhyẹ á juwa yẹ angịkịla akama. Lala ọ-chụ pwokwita, ịBayịbụụ ya nyori, angị nwụ “ọngọ da ẹlẹlẹhẹ-ka,” nyị wụ Ohe Oluhye ẹjẹ ka kpoye.—Etu 6:16, 17.

• Ohe Oluhye kaa kpahị ju ọng myị́ ọng nyahị. Ọ́ ba ọ-ọng myị́ ọng ọ-jẹ́ “akama lee ọjụjụ” nyịlọmwụ kem ka, ma iJihova jẹ́ ịnyịnyị!—2 Ego Ogbegbe 6:29, 30.

  Lụka kpii, iJihova ka myị́ akama nya ọng myị́ ọng wuu bwula Ịpyị-Adịrahụ nyamwụ. (ỊMatiyu 6:9, 10) Lẹẹlẹẹ, iJihova kaa kpụ́ angịnyị ịlẹ kị tịtọ nyamwụ nyịlẹhị wuu ẹjẹ.—Ụkụrwọ nya Alẹrụ 17:27; 2 Ala ịKọrịntị 1:3, 4.