ANG ỌJẸ́JẸ 1
Ọmwụ Ọdada Ọnyịịla
Ụkụrwọ nya Alẹrụ 17:22
ẸLA ỌLẸ KÁ KA HỌ: Dọmwụ nya ẹla oyaya ụ-ụgbẹyị ọlẹ kọ́ ka gu angịnyị ọ-ọkịlẹtụ. Myịmyị ya ẹla u-uhye nya egbeju nya ẹla oyaya nyang bala ọ-mẹjẹ angịlẹ kị́ wẹẹ ke ụrụ wo lang, ang odudu ká ẹla ọwẹ baba haa lụmẹ.
JAABWỌ KÁ KA BWU HỌ ỊNYỊ:
-
Ya ẹla ọlẹ kọ́ ka gu angịnyị ọ-ọkịlẹtụ. Kpa ịtọ ẹla bala oja nya ẹla ọlẹ kọ́ họ ta ọngịnyị ọ-ọhịhị lee oja ịkịla ịlẹ kị́ ka kpụ angịnyị ịpyọ, dọmwụ nya ẹla oyaya.
-
Ya ẹla gu egbeju nya ẹla oyaya nyang. Họ ká egbeju nya ẹla oyaya nyang bala apyobwuna ọlẹ ká angịkịla ka ye bwu ụwa, à la gbagbịla bwu ọmwụ ọdada.
-
Mẹ ang odudu ká ẹla ọwẹ baba lụmẹ jẹ. Ya ẹla ọlẹ kọ́ ka gu iwe-ahụrụ nya angịlẹ kị́ wẹẹ ke ụrụ wo lang kpangga. Ọ baba kị́ ka yẹ jaabwọ ká ẹla ọwẹ ka daa ụbwọ, ẹ-ẹpwụ nya ọhịhị nyaa.