ANG ỌJẸ́JẸ 14
Gba Ahị nya Ẹla Kpehe Gede-gede
Ala iHiburu 8:1
ẸLA ỌLẸ KÁ KA HỌ: Họ ká angịlẹ kị wẹẹ ke ụrụ wo lang ka jẹ́-ẹ bang jẹ ẹ-ẹpwụ nya ẹla oyaya nyang; họ kọ la gbagbịla jaabwọ ká ẹhị nya ẹla ọnyọnyọọnyị myị ọnụ ju egbeju nya ẹla nyang.
JAABWỌ KÁ KA BWU HỌ ỊNYỊ:
-
Kpa ẹla ọlẹ ká tịtọ nyọka yụbwọ chị i-irya. Kụ irya wẹẹ, ẹla oyaya nyang ri ọ-ka mẹ ang jẹ angịnyị kem, lee ọ-ka daa ụbwọ myị ju ẹlẹhẹ, lee ọ-ka gwaa gbịla kaka họ ịngịhyẹ tị́? Kori ká ye ọwẹwẹ nyang lẹ, à họọ ụ-ụgbẹyị ọwọwa mẹ. Maga ká ahị nya ẹla wuu a dang ụbwọ ye ang ọlẹ ká wẹẹ ku.
-
Họ ká egbeju nya ẹla nyang a la gede-gede. Ẹ-ẹpwụ nya ẹla oyaya nyang wuu, juwa da ọnụ ka ẹga nya egbeju nya ẹla ịnyịnyịịnyị bwula o-gu ẹnyị nya omyi ẹla ọkpọngchị ọhẹ bwu ụwa lee omyi ẹla ọkịla ọlẹ kọ la etu ookpokpo balọọ.
-
Họ ká ahị nya ẹla nyang a la gbagbịla bala ọ-chịkpẹẹ. Chụ ahị nya ẹla ịlẹ kị pwoku egbeju nya ẹla oyaya nyang bala ịlẹ á ka jẹ́-ẹ kpa mẹ ang jẹ, ba ụ-ụka ọlẹ kị ya hang. A chụ ahị nya ẹla lụmẹ-lụmẹ ka, yaa kị la gbagbịla, ụka ká ya ọhẹ kpá a dayị pyịnyẹng ene á ka ju ka ọkịla. Ịnyịnyị, nwụlọọ nọ ụ-ụgbẹyị ọlẹ kọ kaa lang ujwo nyọka bwu ẹpwụ nya ẹhị nya ẹla ọhe ka ọkịla ka.