ANG ỌJẸ́JẸ 18
Mẹ Ang Inyeewe Jẹ Angịnyị
1 Ala ịKọrịntị 9:19-23
ẸLA ỌLẸ KÁ KA HỌ: Họ ká angịlẹ kị wẹẹ ke ụrụ wo lang a kụ irya kpori-kpori ju ẹla ọlẹ ká wẹẹ ya, chajị kị ka jẹ́ nyori ịwa nyị jẹ́ ang ọkpọngchị ọlẹ kọ́ ka daa ụbwọ.
JAABWỌ KÁ KA BWU HỌ ỊNYỊ:
-
Kpịtịya nya ang ọlẹ ká angịnyị jẹ́ ene. Ọkọkọ nyọka ma ẹla ọlẹ kị jẹ́ ene ya myịmyị, daa ụbwọ nyọka yẹ ẹla ọọwa bwu ụgbẹyị ọkịla.
-
Wa ụpwụ yẹẹyẹẹ bala ọ-kụ irya kpori-kpori. Kori kọ chịkpẹẹ hang, ya ẹla u-uhye nya ẹla ịlẹ ká angịịwa jẹ́ yẹẹyẹẹ-ka lee ẹla ịlẹ kị juwa họ, nyọka gba ẹhị nya ẹla kpehe. Kụ irya kpori-kpori u-uhye nya ẹla ọlẹ ká wẹẹ ka ya bala abwọlẹ ká ẹla ọọwa bala ẹla ị-chụ pwokwita ịlẹ ká tị tịtọ nyọka gba kpehe, da ori wu awụlẹ.
-
Mẹjẹ nyori ẹla ọlẹ ká wee ya ju apyobwuna yẹẹyẹẹ. Ya jaabwọ ká ẹla ọlẹpwụ nya ịBayịbụụ ka jẹ́-ẹ da angị ke ụrụ wo lang ụbwọ ẹ-ẹpwụ nya ahyẹẹnụ ọnyị myị́ ọnyị. Ya ẹla u-uhye nya iwe-ahụrụ, abwẹla bala ẹla ịdatị-datị ịlẹ ká angịnyị họ, kị tị baba ha angị ke ụrụ wo lang ịnyịnyị.
