ANG ỌJẸ́JẸ 4
Dụbwọ ka Ụpwụ Ịgọgọ ụ-Ụgbẹyị Ọnyịịla
ỊMatiyu 22:41-45
ẸLA ỌLẸ KÁ KA HỌ: Nwụla irya nya angịlẹ ká wẹẹ ya ẹla ju nọ, ene á ka wa ụpwụ ịgọgọ jwaa.
JAABWỌ KÁ KA BWU HỌ ỊNYỊ:
-
Kụ irya ju ang odudu ká wẹẹ wa ụpwụ ịgọgọ ọwẹ. Dọmwụ nya ụpwụ ịgọgọ ọnyị myị́ ọnyị ọlẹ ká wẹẹ ka wa, ụ-ụgbẹyị ọlẹ kọ́ ka kpa irya nya angịkịla ka ẹga nya ẹhị nya ẹla ọlẹ ká tịtọ nyọka gba kpehe bwu ụwa.
-
Dụbwọ ka ẹla ọla ịBayịbụụ lihi-lihi. Ụka ká juwa ya ẹla ju angịlẹ kị́ myị la Ohe Oluhye ene lẹ, ya ẹla rụ́ ịBayịbụụ nyori nyị ri “omyi ẹla nya Ohe Oluhye.” Ọọwa ka dudu kị́ ka jẹ́ nyori irya nya Ohe Oluhye a wẹẹ mẹjẹ lẹ.
-
Họ ká irya nya angịkịla, a juwa ẹ-ẹga nya ụpwụ ịgọgọ ọọwa. Gba ịtọ ẹla ọhẹ kpehe, ọlẹ ká ọwẹwẹ nyamwụ ka bwu ụpwụ ịgọgọ ọlẹ ká wẹẹ ka wa. A ka jẹ́-ẹ gu ẹnyị nya akama ọhẹ lee ehile ọhẹ ọlẹ ká ụpwụ ịgọgọ ọlẹ ká wẹẹ ka wa ya ẹla u-uhye nyamwụ ịnyịnyị myị́.
