Mwahị nya ẹgẹlẹ ká ẹlịlẹhị ji, ká ya ẹla bwu ụwa. Ya ẹla bwu ụpwụ ịgọgọ, ká wọọ ịnyịnyị ụka kọ́ chịkpẹẹ myị́. Kori á ka ya ẹla u-uhye nya ẹla nya angị chị ang ehe, oja nya ẹla ilodehe, oja nya ẹla ọlẹ kọ́ họ ta ọngịnyị lee ẹla ịkịla, maga ká jẹ́ myị̀myị̀ nyori ẹla ọọwa ri ẹlịlẹhị bala ọ-la kpakpa, ene á ka yọọ.

Ba ẹla ọlẹ kị́ da jẹ, ụ-ụgbẹyị ọlẹ kọ́ pwoku. Da ụpa nya ụpwụ ịgọgọ ọlẹ ká wa wụlẹ ụ-ụgbẹyị ọlẹ kọ́ ka pwoku ẹla ịkịla ịlụwa, egbeju nya ẹla ọkpọngchị ọla ịBayịbụụ bala apwu ịlẹ ká “ọnchẹ ọ-chịla o-hu ọkịlẹtụ ha bala ọngọ jẹ́ ẹla” da. (Mat 24:45) Kori kó ri apwụ ịkịla datị hi ịBayịbụụ aalẹ, ya ẹla ọlụwa kpẹẹkpẹẹ jaabwọ kọ́ la, a ya ịnyịlọng dọọ lee ọ-yọọ da ka.

Da ẹla wụlẹ rige-rige ju angịkịla. Ụka ká wa ụpwụ ịgọgọ lee ọ-wa ẹla ọlụpwụ ọkịla kpá, tọ ịtọ ẹla ịlẹ kị́ pwoku lee ọ-chụ ẹla pwokwịta chajị nyọka da angịlẹ ká wẹẹ ya ẹla ju ụbwọ nyọka wo etu nya ẹla ọọwa.