UBE-ỤPWỤ NYA ANGỊ KAA KPA ẸRỤ ỌNYỊỊLA PYẸ Angị ye ịlahị nya ụgbẹyị ịlẹ kị gu ẹka iwo Imiiye kụrụ ịta (23) kele ka iwo ịrwọnyẹ kụrụ ịrụ (65), kị tị tịtọ nyọka kpa ẹla nya Ohe Oluhye pyẹ kịlahị-ịlahị a nwụlanọ nyọka wẹ otuguru nya Ube-Ụpwụ nya Angị kaa Kpa Ẹrụ Ọnyịịla Pyẹ ẹnụ nya ịSọndị la ẹnụ. Ị ka ya ụka bala ẹga ọlẹ kị ka tuguru dodehe.

ANGỊ DA ỤBWỌ Ị chụ aanahị ịwẹ nyọka dang ụbwọ. Chuchuu ba ẹla ọlẹ kị ya jẹ u-uhye nya ẹga ọlẹ á ka ya ang ọrụnyẹ nyang rịrị, ẹgẹlẹ á ka bwu, ẹga ọhụhụ ọchịda bala ẹla ịkịla.

ENYI OHE ỌHỤHỤ Ẹga ọlẹ ká angị ka hu enyi Ohe ka hụhụ juwa ị-ịlahị, ọkẹnẹ-kẹnẹ á wo ẹla ọkịla mẹ ịnyị. Angịlẹ kị wẹẹ ka hu enyi Ohe wuu ka hụhụ ụ-ụwa ene kị ka dọmwụ nya ẹla oyaya nya angị wẹẹ ka hu enyi Ohe ẹnụ nya ịSatudee lụtụrụ. Ọng myị́ ọng nyaa ka kpa ịtọwẹlụ bala ang ọkụrụ-kụrụ ọlẹ kọ pwoku.

O-HU HA Ị kpa okpoko họ ụkụrwọ yẹẹyẹẹ nyọka nwụla ekeji ịhụhụ, ang ị-kpa ya ẹla bala ị-kpa du ang, ang ị-kpa ya ifim bala ang ịkịla ịlẹ kị́ baba nọ, nyọka họ ká ọjịra-jịra ọlẹ ka kpụhị ịpyọ bala ọ-ka dahị ụbwọ tụ ju iJihova chwẹẹ gụ ọọwa. O-hu ha o-bwu ọkịlẹtụ nyang ka dahị ụbwọ nwụ uri nya ang ịwẹ bala ọ-da ụbwọ ẹ-ẹpwụ nya ụkụrwọ nya Ohe Oluhye odehe wuu. Nyọka họ kọ ka chịkpẹẹ, ị ya akpa ọ-ka ya o-hu ha nyang ju, rịrị ẹ-ẹga ịdatị-datị ám̀ ọọjịra-jịra ọlẹ. O-hu ha ọnyị myị́ ọnyị myịhị lẹhị. Governing Body jinu obe ọhọhọ nya ụbwọ ọ-gba kpehe nyanụ nyọka da ụkụrwọ nya Ohe Oluhye ụbwọ.

ẸGA NYA UTOJI Chuchuu jẹ́ nyori, ẹga ọlẹ ri ẹga ọ-ka KPA ANGỊLẸ KÁ ANG HỌ KPỊRÁKA KA AHYAAHỊ KEM ịnyị.

ANG ỊLẸ KỊ BYI KỊ TỊ YÉ Ang myí ang ịlẹ kị ye ká angị lala á tị wẹ ka ye ka, ị ka kpa ka ẹga nya angị kaa kpẹhị rịrị Ang Ịlẹ Kị Byi Kị Ti Yé. Kori ká ang nyang á gụng byi, jẹ ka ẹga nya angịwẹ ká ya jaa ang ọlẹ kọ byi. Ị ka kpa anjwo ịlẹ kị hwahị hi adaa lee ịnaa ka ẹga ọwẹ ịnyịnyị. Tị wẹẹ, ẹga ọwẹ á rị ẹga ọ-kpahị ju anjwo ka. Chuchuu kpẹhị rịrị anyị nyang, maga kị juwa tang ụka myị́ ụka wuu.

ẸGA ỌHỤHỤ Chuchuu kpa angịkịla i-irya. Kpịtịya, kori ọ́ háng á ka chị ẹga ọhụhụ da, ọ ka ri ịnya ala ugbiyegu nyang, angịlẹ kánụ ju ang ọrunyẹ ookpokpo warị, angịlẹ kánụ kụ ẹpwa lawụlẹ, lee angịlẹ kanụ-ụ̀ jẹ́ ịBayịbụụ lawụlẹ kem. Chuchuu a ya ang nọ u-uhye nya ẹga ọhụhụ ọlẹ ká chịda gbe ọngọngẹhẹ ka lẹ ka.

ANGỊ DA ỤBWỌ Kori á tịtọ nyọka họ ụkụrwọ ọ-ọjịra-jịra ọtụka ọlẹ, chuchuu ka ẹga nya Angịlẹ Kị-ị Kpẹhị Rịrị Ụkụrwọ ọnyị myị́ ọnyị ọla ẹga ọlẹ.