Ang Ọlẹ ká IJisọsị Họ

Ẹlịyẹ Ahị Tị́ Jẹ́ Bwu Ẹga nya IJisọsị?

2. Ahị baba nyọka ya ẹla la ọháha ma, ahị ka tụ ọtụ pịlẹẹ kahị ya je ọngọlẹ kahị wẹẹ jẹ ang ta ang ọlẹ kọ baba nyọka họ kori kọ tịtọ ká igu nyamwụ bala iJihova ka nwà kịlahị.

 Ba Ọgụ-ẹpẹtẹ nya IJisọsị Jẹ

3. Da ọngọlẹ ká wẹẹ jẹ́ ang ta ụbwọ kọ ka chị ang nọ bala ọ-maga nyọka wu ang ịịwa ọyị.

1.    Kpa ụpa ọlẹ kori “Ụkụrwọ ọlẹ á ka họ” ẹ-ẹpwụ nya ang ọjẹ́jẹ ọnyị myị́ ọnyị ọla ụpwụ nya Chị Ọkẹkẹnị Gboyi Myị Oyi! dọọ ụbwọ.

2.   Da ọngọlẹ ká wẹẹ jẹ́ ang ta ụbwọ kọ ka jẹ́ ang ọlẹ kọ baba nyọka họ chajị kọ ka wu ang ịlẹ kọ chị nọ ha ịlọmwụ lụka o-kpii bala ụka ọtata ọyị.

3.   Da ọngọlẹ ká wẹẹ jẹ́ ang ta ọlẹẹkwaa hyaa-hyaa ụka ká yẹ nyori ọ juwa nwà kịlahị.

4. Jẹ́ ang ịlẹ kị wẹẹ kwoo olo nyọka nwà kịlahị, ká dọọ ụbwọ jaabwọ kọ ka bwu kụrụ ang ịịwa.

1.    Tịlọng wo wẹẹ:

   • ‘Kori ká ọngọlẹ kam wẹẹ jẹ́ ang ta á hu ẹta-ẹdịyẹ nyọka hu enyi Ohe ka, ịyẹ à tị́ wẹẹ woo kpa?’

   • ‘Ịyẹ m tị́ ka jẹ́-ẹ họ nyọka dọọ ụbwọ myị?’

2.   Raabwọ chajị ká ka jẹ́-ẹ tụ ọtụ pịlẹẹ kpa ọháha ya ẹla jẹ ọngọlẹ ka wẹẹ jẹ́ ang ta kọ ka yẹ ang ịlẹ kọ baba nyọka họ.

5. Hwabwọ la ọ-mẹ ịBayịbụụ jẹ ọngọlẹ kọ nwụlanọ nyọka yẹda ka.

1.    Maga ká jẹ́ kori ká ọngọlẹ ká wẹẹ jẹ́ ịBayịbụụ ta a juwa nwà kịlahị lee ọ-nwà kịlahị ka bwula ọ tịlọng wo:

   • ‘Ọngọlẹ kam wẹẹ jẹ́ ang ta ja kpa ang ịlẹ kọ wẹẹ jẹ́ họ ụkụrwọ?’

   • ‘Ọ kaa wẹ ọjịra-jịra bala o-ya ẹlịlẹhị ịlẹ kọ wẹẹ jẹ́ ju angịkịla?’

   • ‘Nyọlẹ kọ jẹ́ ang kaka pwụ ẹgẹhẹ wẹẹ, ọ mẹjẹ nyori ọ tịtọ nyọka ri ọngọhẹ nya Alibeenu nya iJihova?’

2.   Kori ká ọngọlẹ ká wẹẹ jẹ́ ang ta á myị ọnụ nyọka hu ẹta-ẹdịyẹ kịlahị ka:

   • Byoo kọ kụ irya ju ang ịlẹ kị wẹẹ woo kpa la ọ-ka nwà kịlahị.

   • Ya joo la ihi-ihi ang odudu ká wẹẹ ka hwabwọ la ang ọjẹ́jẹ balọọ.

   • Ya joo kọ jẹ́ ang ọlẹ kọ chịla kọ ka họ kori kọ tịtọ kanụ ka dọmwụ nya ang ọjẹ́jẹ ị-ịlahị wẹẹ.