KPA ANG ỌJẸ́JẸ KỊLAHỊ
ANG ỌJẸ́JẸ 9
Ẹla nya Angịkịla a Gung ọ-Ọkịlẹtụ
Itiwe nya Ehile: “Anụ́-ụ ri angị juwa chị ọkẹkẹnị ta angịlẹ ká ẹla nya ọkẹkẹnị ọchịchị á họ ẹ-ẹga nyaa mẹ. Kanụ juwa jida ta angịlẹ ká ẹla nya ida ojeje họ ẹ-ẹga nyaa ịnyịnyị mẹ.”—Rom. 12:15.
Ang Ọlẹ ká IJisọsị Họ
1. Yẹ IFIM ọwẹ, lee wa ịMakị 6:30-34. Ká kụ ẹhị yẹ ịtọ ẹla ileji ịlẹ:
Ẹlịyẹ Ahị Tị́ Jẹ́ Bwu Ẹga nya IJisọsị?
2. Kori ká ẹla nya angịkịla á guhi ọkịlẹtụ ahị ka tịtọ nyọka daa ụbwọ, ẹ-ẹrụ ọnyịịla ọlẹ kahị kaa ya jaa kem ka.
Ba Ọgụ-ẹpẹtẹ nya IJisọsị Jẹ
3. Ke ụrụ kpẹnẹẹ. Ya ẹga da ha ọngịnyị kọ ka ya ẹla ọlọkịlẹtụ nyamwụ jeng. Á chọọ ẹla ju lee ọ-chị agaga ya nyori a jẹ́ jaabwọ ka ẹlẹwẹ lọọ bala abwọlẹ kọ yọọ lee ịwẹẹ ẹla nyamwụ nyị́ ri ọwa ẹla ka lẹka. Bwula ọ-ke ụrụ kpẹnẹẹ wo la ọngịnyị, a ka mẹjọ́ọ nyori ẹla ọla irya nyamwụ nyị rịng ẹla.
4. Kụ irya u-uhye nya ọngọlẹ kọ wẹ tịtọ nyọka jẹ́ ang gụ ọọwa. Bwula ẹla ọlẹ kanụ ya lawụlẹ, tịlọng wo wẹẹ:
5. Ya ẹla u-uhye nya ang ọlẹ kọ ka dọọ ụbwọ. Ụka myị́ ụka kọ chịkpẹẹ, mẹjọ́ọ nyọka yẹ jaabwọ ká ịBayịbụụ ọjẹ́jẹ ka wẹ ịtọ ẹla nyamwụ bala ọ-ka dọọ ụbwọ ụ-ụgbẹyị ọhẹ lee ọkịla.
