Kori ká ọngịnyị a tọ ịtọ ẹla bwu ọkịlẹtụ nyọka yé ọwẹwẹ lee o-ri kọ ya nyori ọwa nyị tịtọ nyọka wo gụ ọọwa, ọ ka kpụhị ịpyo nyọka kịnyaa la ẹla oyaya. Ahị tịtọ nyọka ya ẹla bala angịlẹ “ká Ohe Oluhye nwụlanọ nyọka ya ọhịhị ọmyịmyị-ka nyamwụ ha.”—Ụkụr. 13:48.

Ma kori ká ọngịnyị a ju agbama, kọ tịtọ nyọka da ịwẹẹ, lee ọ́ tịtọ kọ ka ya ẹla ta ahị lụka ọwẹ ka bẹẹ? La ọdụmwọ mwụ ẹla nyang ba lihi-ihi. (Etu 17:14) Maga ká ya ẹla ọọwa cheju la okpunyi chajị ká ọngọọwa ka myị-ị́ ke ụrụ wo lahị myị ị-ịlahị.—1 Pit. 2:12.