AHYẸẸNỤ Ọ-KPA ẸGA CHERI-CHERI Ụka ịlẹpwụ nya ang ịkụrẹchẹẹ ịwẹ ri ịnya ọjịra-jịra ọtụka ọlẹ kị họ la epwihi ọlẹ ká ẹnụ nya ịSatudee nyamwụ ri Ahyẹẹnụ ọ-Kpa Ẹga Cheri-cheri. Epwihi ọnyị kọ lịnyị, ị ka kpa ẹla o-ya hi hawụlẹ ọlẹnụ nya ịSatudee lẹnụ ọlẹ ko ri, “Kpa Oja Ọnyịịla Kụrụ Ọtịpyọ” wẹ ịFụrayidee lụtụrụ.

ANG ỊLẸ KỊ BYI KỊ TỊ YÉ Kori ká ye ang ká tị jẹ́ ọngọ lọọ ka, kpa ka ẹga nya angị kaa kpẹhị rịrị Ang Ịlẹ Kị Byi Kị Tị Yé. Kori ká ang nyang á gụng byi, jẹ ka ẹga nya angịwẹ ká ya ang ọlẹ kọ byi jaa. Ị ka kpa anjwo ịlẹ kị hwahị hi adaa lee ịnaa ka ụwa ịnyịnyị. Tị wẹẹ, nyọka họ ká ẹla ọlịịwẹ ka ji ka, chuchuu kpẹhị rịrị anyị nyang yẹẹyẹẹ, maga kị juwa balang ụka myị́ ụka.

ANGỊ DỤBWỌ Ị chụ aanahị ịwẹ nyọka dụbwọ. Chuchuu ju ihi nya ẹla ọlẹ kị ya, u-uhye nya ẹga ọlẹ ká angịnyị ka ya ang ọrụnyẹ rịrị, ẹga ọlẹ kị ka bwu ka Ẹpwang bala o-bwu kpehe, ẹga ọhụhụ ọ-chịda ha angịkịla, bala ẹla ịkịla.

ẸGA NYA UTOJI Chuchuu jẹ́ nyori ẹga ọlẹ ri ẹga ọ-ka kpa angịlẹ ká ang họ kpịraka ka kem ịnyị.

ẸGA ỌHỤHỤ Chuchuu kpa angịkịla i-irya. Kpịtịya nyori, kori ọ́ háng, à ka chị ẹga da ha alugbiyegu nyang, angịlẹ kánụ ju ang ọrụnyẹ ookpokpo lawụlẹ, angịlẹ kánụ kụ ẹpwa lawụlẹ, lee angịlẹ kanụ-ụ̀ jẹ́ ịBayịbụụ ta kam ịnyị. Chuchuu, a ya ang nọ u-uhye nya ẹga ọhụhụ ọlẹ ká chịda gbe ọngọngọhẹ ka lẹ ka.

ENYI OHE OHUHU Ẹga ọlẹ angị ka hu enyi Ohe ka hụhụ ka juwa ị-ịlahị, ọkẹnẹ-kẹnẹ kori kị nwọọ họ mẹ ịnyị. Angịlẹ kị wẹẹ ka hu enyi Ohe wuu ka hụhụ ụ-ụwa ene kị ka dọmwụ nya ẹla oyaya nya angị ka hu enyi Ohe ẹnụ nya ịSatudee lụtụrụ. Ọng myị́ ọng nyaa ka kpa ịtọwẹlụ bala ang ọkụrụ-kụrụ ọlẹ kọ pwoku.

O-HU HA Ị kpa okpoko họ ụkụrwọ yẹẹyẹẹ nyọka nwụla ekeji ịhụhụ nọ, ang ị-kpa ya ẹla bala ị-kpa du ang, ang ị-kpa yẹ ifim bala ang ịkịla ịlẹ kị baba, nyọka họ ká ọjịra-jịra ọlẹ ka kpụhị ịpyọ bala ọ-ka dahị ụbwọ tụ ju iJihova chwẹẹ gụ ọọwa. O-hu ha o-bwu ọkịlẹtụ nyang ka dụbwọ nyọka nwụ uri nya ang ịwẹ bala ọ-dụbwọ ẹ-ẹpwụ nya ụkụrwọ nya Ohe Oluhye odehe wuu. Nyọka chịkpẹẹ, ị ya akpa ọlẹ ká ka ya o-hu ha nyang ju, rịrị ẹ-ẹga datị-datị ám̀ ọọjịra-jịra ọlẹ. À ka jẹ́-ẹ hu ha bwu intanẹtị ịnyịnyị myị́ bwula ọ-ka donate.pr418.com. O-hu ha ọnyị myị́ ọnyị myẹhị. Angị Kpẹhị Rịrị Ogu jinu obe ọhọhọ nyọlẹ kanụ wẹẹ pyẹ ụbwọ maa hu ha chajị nya ụkụrwọ nya Ịpyị-Adịrahụ.

ỤKỤRWỌ ỌHỌHỌ Kori ká tịtọ nyọka họ ụkụrwọ ọọjịra-jịra ọtụka ọlẹ, chuchuu ka ẹga nya Angịlẹ Kị kaa Kpẹhị Rịrị Ụkụrwọ nya ụbwọ ọdada