ỤPA 3
Ányị Ọhịhị À Tị́ La Ẹ-ẹpwụ nya Iku nya Iden?
IJihova ya iru nya ang ịnyịịla ha Adam bala Iivu. Ọmwụ Ọdada 1:28
IJihova họ ọnyang nya ọgbanyẹ ọlẹ ko ri Iivu lẹ, ọ yọọ ha Adam nyọka ri ahụ nyamwụ ẹẹ.—Ọmwụ Ọdada 2:21, 22.
Ị la irya bala ịnyịrọ ọkpẹẹkpẹẹ, ị́ la ịhọbịrị ka.
Ẹpwa nyaa ri iku nya Iden—ụwa há ụhị yẹẹyẹẹ; enyi, egbe nya ekeji bala iyo ịdatị-datị juwa.
IJihova kaa ya ẹla taa; ọ kaa mẹ ang jaa. Kori kị ke ụrụ wo ẹla nyamwụ, ị ka hịhị lokpunyi gbe oyi myị́ oyi ẹ-ẹpwụ nya odehe.
Ohe Oluhye byaa nyị ri ugbe nya okoji ookpokpo ọhẹ ẹ-ẹpwụ nya iku ka. Ọmwụ Ọdada 2:16, 17
Olegu-ẹrụ ọhẹ la egbeju-ọngịrị ta Ohe Oluhye. Olegu-ẹrụ ọlọkwọ ọọwa à ri Olegu Onyobyi lẹ.
IJihova mẹ okoji ọhẹ ẹ-ẹpwụ nya iku jẹ Adam bala Iivu. Ọ byaa nyị hyọọ ri ka, ó-ri kịị nyị́ hya ugbe nyamwụ ri, nyị ka gbu.
Olegu Onyobyi-í tịtọ ká Adam bala Iivu ka ju Ohe Oluhye ihi ka. Chajị nya ọọwa, ọ kpa ilo ya ẹla ta Iivu. Ọ byoo ya, kori kịị nyị́ ri ugbe nya okoji ọọwa, nyị́ ka gbu ka, ma nyị ka lala Ohe Oluhye. Ma, ẹla ọọwa tị ri ọnọọkịla.—Ọmwụ Ọdada 3:1-5.
