Wa Ọmwụ Ọdada 37:23-28; 39:17-23 nyọka jẹ́ jaabwọ ká iJosẹfụ bọhụ ẹ-ẹpwụ nya ẹla ọkịrọrọ.

Wụla abwọlẹ ká oja ọọwa la yẹ. Ịyẹ tị́ du kị họ iJosẹfụ ẹla ọkịrọrọ? (Ọmwụ. 37:3-11; 39:1, 6-10) Ányị iJosẹfụ à tị́ bọhụ ẹ-ẹpwụ nya ẹla ọkịrọrọ tata ka ba? (Ọmwụ. 37:2; 41:46) Ẹ-ẹpwụ nya ụka ọọwa, ịyẹ iJihova à tị́ họ ha iJosẹfụ? Ịyẹ ọ tị́ họ họọ ka?—Ọmwụ. 39:2, 21; w23.01 17 ¶13.

Wu ụjẹ nya ang ụdụ kpori-kpori. Nanana nyori ẹla ọlẹ ká ahụ nya ịPọtịfa ya ri ọnọọkịla, ịBayịbụụ á ya ẹ-ẹgẹhẹ nyori iJosẹfụ nyị maga nyọka rụ ẹla ọọwa ori hi ịlọmwụ ka. Ányị ụpwụ ịgọgọ ịlẹ à tị́ ka dang ụbwọ nyọka kụ irya ju ang odudu ká iJosẹfụ chụ nyọka hu ujiji myị́ lee ang odudu kahị baba nyọka ya ahị guru nyori ịBayịbụụ ka ya ẹla myị́ ẹla jehị ka? (Etu 20:2; Jọn. 21:25; Ụkụr. 21:37) Abwẹla iyina à tị́ da iJosẹfụ ụbwọ nyọka bọhụ ẹ-ẹpwụ nya ẹla ọkịrọrọ?—May. 7:7; Luk. 14:11; Jem. 1:2, 3.

Ẹlịyẹ a tị́ jẹ́. Tọ ịlọng wo nyori:

• ‘Ẹla ọkịrọrọ oyina m tị́ ka ya ahị guru nyọka yẹ nyọlẹ kam ri ọngọjụgbẹyị nya iJisọsị?’ (Luk. 21:12, 16, 17; Hib. 10:33, 34)

• ‘Ányị m tị́ ka bwu nwụlanọ nyọka bọhụ myị́ ẹ-ẹpwụ nya ẹla ọkịrọrọ?’ (Eje. 62:7, 8; 105:17-19; w19.07 2-7)