Ẹnẹhẹ, ọọnahị ọnyang ọhẹ bwụ New Zealand yẹ ifim ọhẹ ịị jw.org ká egbeju nyamwụ rị “Have. . . Concern for One Another.” Ọ ya ẹla u-uhye nya abwọlẹ ká iJihova la ahyẹẹrwẹrwa ẹ-ẹga nya angịnyị bala ọ-kaa mọọ jẹ. (Ayị. 63:7-9) Ọọnahị ọọwa kpa ẹla ọlẹ kọ jẹ́ bwụ ụwa họ ụkụrwọ kpụ ọ kaa da angịnyị ụbwọ ụ-ụgbẹyị ọlẹ kọ baba. Ụka ọkịla ahyẹẹnụ ọwọwa kọ ka ịhị kaka ra ang, ọ gbachị ọnyang ọhẹ kọ la ẹpwa ka. Ọ me ịlọmwụ nyọka ra ang oriri ha ọnyang ọọwa. Ọnyang ọọwa myị. Ụka ká ọọnahị kpa ang oriri ọwa woo, ọ kpa iwe ọwẹ ya ẹla nya Ohe joo bwu ịtrakị ọlẹ kọ ri Akama ka Jẹ́-ẹ Myị Wẹẹ?

Ọnyang ọwẹ da kpuu la ida. Ọ ya nyori nyị kpa ọwa nwa lala ọngọhẹ nya Alibeenu nya iJihova, ma ọwa nyị rụ hi ẹlịlẹhị la ẹka lụmẹ-lụmẹ lẹ. Ma, lụka ọkpanjẹ, ọ raabwọ ha iJihova nyọka dọọ ụbwọ tịrẹkpẹ wẹ ẹga nyamwụ. Ọọnahị ya ịBayịbụụ ha ọnyang ọọwa kpụ ị ya ẹla u-uhye nya abwọlẹ kị ka kịnyaa la ọ-jẹ́ ịBayịbụụ. a

Lala iJihova, ahị ịnyịnyị ka jẹ́-ẹ la ahyẹẹrwẹrwa ẹ-ẹga nya angịnyị, tụ ala ẹpwa nyahị bala aanahị ịla ọjịra-jịra. Ahị tị ka jẹ́-ẹ mẹ ahyẹẹrwẹrwa jẹ ịnyịnyị bwụla ọ-mwahị nya iwe nyọka ya ẹrụ ọnyịịla je angịkịla.