Ahị wuu á kaa lụka lụmẹ nyọka kpa jẹ́ ang nyịlọhị ka. Ányị ahị tị́ ka bwu jẹ́ ang chajị ká ụka nya ang ọjẹ́jẹ nyahị ka ju apyobwuna hahị yẹẹyẹẹ? Họhẹ-họhẹ, bịrị ụka yẹẹyẹẹ ju ang ọlẹ ká wẹẹ jẹ́. À ka yé apyobwuna yẹẹyẹẹ kori ká wa ụpwụ pyịnyẹng ká tị kụ ẹhị yọọ kpori-kpori gụ́ ọ-ka wa ụpwụ lụmẹ-lụmẹ la agaga.

Chụ ang ọlẹ ká ka jẹ́ jene. (Efe. 5:15, 16) Kụ ẹhị yẹ irya ị-gba kpehe ịlẹ wẹẹ:

• Wa ịBayịbụụ ẹnụ myị́ ẹnụ. (Eje. 1:2) ỊBayịbụụ ọwawa nya epwihi-epwihi ọlẹ kị kaa chịnọ nya ọjịra ọla arịrị nya epwihi ri ẹga ọnyịịla ọlẹ kahị ka jẹ́-ẹ dọmwụ bwu.

• Nwụlanọ gbe Ẹpwang ọ-Kụ Gbeji ọjẹ́jẹ bala ọjịra-jịra ọla arịrị nya epwihi. Nwụlanọ yẹẹyẹẹ chajị ká ka jẹ́-ẹ wẹ ẹla.—Eje. 22:22.

• Chuchuu maga ká yé apyobwuna bwu ang oriri nya olegu ịkịla, lala ịmagajini, ifim, bala ang ịkịla ịlẹ kị kaa gba kpehe ịị jw.org.

• Jẹ́ ang u-uhye nya ịngịhyẹ ọlẹ kọ kaa kpụng ịpyọ. À ka jẹ́-ẹ mwahị nya ẹla u-uhye nya ẹla ọlẹ ká wẹẹ chịpwụrụ bwu, ịtọ ẹla ịlẹ ká la, lee ẹla ọla ịBayịbụu ọhẹ ọlẹ ká tịtọ nyọka wo etu nyamwụ gụ́ ọọwa myị́. Nyọka yẹ agbẹyị ịlẹ ká ka jẹ́-ẹ họ ịnyị, ka ẹga ọlẹ kọ ri “Bible Study Activities” ịị jw.org.