ẸPWANG Ọ-KỤ GBEJI—Ọ-KPA JẸ́ ANG Ọya Ọharwọnyẹ 2020
Ang ọlẹ kahị ka jẹ́ bwu Ọya Ọhaneku 3-30 2020, jam ẹ-ẹpwụ nya Ẹpwang ọ-Kụ Gbeji ọlẹ.
“Chị Ịgọgọ Ju Ẹnyị Nyang”
Ang ọjẹ́jẹ 23: Ọya Ọhaneku 3-9, 2020. Ẹla oyina à tị́ baba ha angịnyị ehe bala alegu-ẹrụ wuu? Ịyẹ tị́ du ká ẹla ọọwa baba? Ányị ahị tị́ bwu juwa ẹ-ẹpwụ nya ẹla ọọwa? Ọ-jẹ́ ọwẹwẹ nya ịtọ ẹla ịwẹ ka dahị ụbwọ nyọka ju igu oriri nyahị bala iJihova ọngịrị.
‘Họ Kam kpa Ọkịlẹtụ Ookpokpo Ju Uhi nya Ẹnyị Nyang’
Ang ọjẹ́jẹ 24: Ọya Ọhaneku 10-16, 2020. Ẹ-ẹpwụ nya ang ọjẹ́jẹ ọlẹ, ahị ka kụ ẹhị yẹ ụpa nya abwọ ọrịrị nya Adịrahụ iDevidi ọlụpwụ nya Eje Ọnyịịla 86:11, 12. Ịyẹ à tị́ ri etu nyọka ju uhi nya ẹnyị nya iJihova? Ịyẹ tị́ du kahị ka ju uhi nya ẹnyị ọtụka oẹ? Ányị uhi nya Ohe Oluhye ojuju à tị́ ka dahị ụbwọ ụka kahị ju ka ẹpwụ nya ọmayẹ?
Ịtọ Ẹla o-Bwu Ẹga nya Angị Wa Apwụ Nyahị
Abwụma ịlụpwụ nya Ala ịGaletiya 5:22, 23 kem à ri “ugbe nya Olegu Ịgọgọ” lẹ?
“Am Lịlọm ka Pịlahị nya Ịkpịlọ Nyam”
Ang ọjẹ́jẹ 25: Ọya Ọhaneku 17-23, 2020. Ịyẹ tị́ du ká angịhyẹ ịlẹ kị gbịgba ha iJihova lụka ọtata lẹ, kaa rụ hi ọjịra-jịra? Irya ọlanyị Ohe Oluhye à tị́ la u-uhye nyaa? Ang ọjẹ́jẹ ọlẹ ya ẹla u-uhye nya ọwẹwẹ nya ịtọ ẹla ịwẹ. Ahị ka myịmyị-ị̀ yẹ ẹla ọlẹ kahị ka jẹ́ bwu ụgbẹyị ọlẹ ká iJihova bwu da angịhyẹ ịlụka onyogo ụbwọ ụka kị họ ang ọlẹ kọ tịtọ ka.
‘Anụ Nyà Tịrẹkpẹ Wẹ Ẹga Nyam’
Ang ọjẹ́jẹ 26: Ọya Ọhaneku 24-30, 2020. IJihova tịtọ ká angịlẹ kị kaa kpa ẹrụ ọnyịịla pyẹ lee ọ-kaa ka ọjịra-jịra kaka, ka nyà tịrẹkpẹ chọọ ọgụ. Ang lụmẹ-lụmẹ ji kahị ka jẹ́-ẹ họ nyọka da angị ịlịnyị ịlẹ kị nwụlanọ nyọka wo ẹkọ obebe nya iJihova ụbwọ, nyọka ‘nyà tịrẹkpẹ chọọ ọgụ.’ A-ang ọjẹ́jẹ ọlẹ, ahị ka kụ ẹhị yẹ ang ọlẹ kahị ka jẹ́-ẹ họ nyọka daa ụbwọ nyọka nyà tịrẹkpẹ.
