Ụpa ọlẹ kọ ri “Ang Inyeewe” ịị JW Library^® bala jw.org kaa mẹ apwụ bala ifim ịlẹ kị ya juwa inyeewe jẹ. Ányị a tị́ ka bwu yé apyobwuna bwu ụpa ọwẹ yẹẹyẹẹ?

• À ka yẹ egbeju nya ẹla ọnyọnyọọnyị ụka kị nwụ ụpa nya ẹga ká egbeju nya ẹla ịdatị-datị kaa ji họ. Lẹ, ụka kị ya egbeju nya ẹla ọkịla ju ka ụpa nya “Ang Inyeewe,” à ka jẹ́-ẹ kịla onyeewe nya ụpa ọọwa ju. Ọọwa lẹ a ka wa egbeju nya ẹla inyeewe ịlụwa lẹlẹ. Ị tị kaa hu u-uhye pwoku ahyẹẹnụ ọlẹ kị ya juwa.

• Ọ́ ka chịkpẹẹ a ka wa apwụ ịtụka lala imagajini chọnụ-chọnụ ụka ookpokpo ka myị́. À tị ka jẹ́-ẹ ya ju ka ẹga ọlẹ ko ri Favorites chajị kọ ka chịng kpẹẹ la ọ-tịrẹkpẹ kaka wa. Ụka ká wọọ kpá, à ka jẹ́-ẹ gbọọ hi ụwa myị́.

Ẹla lala oja bala ẹla o-ya dodehe ịhyẹ kaa juwa intanẹtị nya jw.org kem, ma ị́ kaa juwa ịị JW Library ka. Kpịtịya nyọka wụla “Ang Inyeewe” ọla intanẹtị yẹ ụka myị́ ụka nyọka yẹ egbeju nya ẹla inyeewe ịlụwa.