Iru nya aanahị alẹng bala anyang kaa kpa egbeju nya ẹla ịlẹ kị kaa gba kpehe ọ-ọmwụ ọdada nya jw.org họ ụkụrwọ ẹ-ẹrụ ọnyịịla ọ-kpa pyẹ. Ị kaa chịkpẹẹ la ọ-ya du kịla ọngịnyị bwu ifon, ị tị kaa wụlẹ jaabwọ ká iwe-ahụrụ nya odehe lẹẹlẹẹ wẹẹ họ ọmwụ ọyẹyẹ ịlẹpwụ nya ịBayịbụụ jịra. Ọọnahị ọhẹ da ụpwụ ya nyori egbeju ẹla ịla ọmwụ ọdada ịwẹ nyị ri “ang ọlẹ kahị baba kpangga nya ụgbẹyị ọlẹ kahị ka bwu kpa ẹrụ ọnyịịla pyẹ lẹẹlẹẹ.”

Ma ị kaa yẹ egbeju nya ẹla ịịwa da bwu ụka ka ụka, lẹ ányị ahị tị́ ka bwu yẹ egbeju nya ẹla ịlẹ kị juwa kaka?

• Ọ-ọmwụ ọdada nya jw.org, ya ụbwọ ba ẹga ọlẹ kọ ri “See More” ọlẹ kọ ji ba uhye nya ụwa ba mẹ. Ang ẹjẹẹ ọwẹ ka kpang ka ẹga nya “Recently Featured on the Home Page,” ẹga á ka yẹ egbeju nya ẹla ịkịla ịkpangjẹ ịlẹ kị gba kpehe.

• Ịị jw.org lee JW Library^®, ya ụbwọ ba “Library,” ká ya ụbwọ ba “Article Series” mẹ, à ka pwụ ẹga ọlẹ kọ ri “More Topics.” Egbeju nya ẹla lụmẹ-lụmẹ ịlẹ kị gba kpehe ọ-ọmwụ ọdada kaa juwa ẹgẹwẹ.