À tịtọ á ka yé apyobwuna yẹẹyẹẹ bwu ang ọjẹ́jẹ nyịlọng? Ẹla ọmẹjẹ ịlẹ ka jẹ́-ẹ dang ụbwọ nyọka ya irya nyang nọ ẹ-ẹga ookpokpo ụka ka ja jẹ́ ang:

• Chụ ẹga ọlẹ kọ há. Maga ka mwahị nya ẹga ọlẹ kọ la cheri-cheri ká ila tị juwa ịnyịnyị, chajị á ka jẹ́-ẹ yọyị yẹẹyẹẹ. À ka jẹ́-ẹ hụhụ o-okoji jahị da itebwụrụ lee ọ-chụ ẹga ọnyịịla ọkịla ọdọdẹpwa myị́.

• Mwahị nya ẹga á ka ji ụbwọọng. IJisọsị chụ nyọka raabwọ “lụka nya odu nya ewu-ụtụrụ” ụ-ụwa “ugbileji ochinyee.” (Mak. 1:35) Kori kọ tị chịkpẹẹ nyọka ji ụbwọọng ka aalẹ, ya ụka ọlẹ ka chụ nyọka jẹ́ ang je alugbiyegu nyang lee angịlẹ kanụ kụ́ lawụlẹ, ka byaa kị ka yeng uyawụ lụka ọwẹ ka.

• Ya irya nọ ẹga ookpokpo. Cheji ba hi ang ịlẹ kị ka yeng uyawụ. Kori á kaa kpa ifon nyang jẹ́ ang aalẹ, maga ka ya ju ụ-ụgbẹyị ọlẹ kọ ka yeng uyawụ ka. Ọ ri ká ịngịhyẹ ọlẹ ka baba nyọka họ á wẹ irya nyang ụka ka wẹẹ kpa ang jẹ́, dọọ ju ang chajị á ka deeri nyọka họọ ụka ká jẹ́ ang kpá ka, ká kịnyaa la ang ọjẹ́jẹ nyang. Kori kọ tị ja lujwo hang nyọka ya irya nọ ẹga ookpokpo aalẹ, mwịịnyọ pyịnyẹng ká nịrẹ ẹta nyang lee ọ-da gaga.