Jihofa a tene k’abo akwọra unyi ki n’ẹdẹbọ. (Eli 127:3-5; Akọ 9:9; 11:9) Ama, uyọ wa neke bulọ todu akanya ilẹ-i kpai echedu abo akwọra unyi wa. Ẹn̄wu ẹnẹnẹnẹnẹ efu akwọra unyi neke che todu ki d’uyọ manyu uyọ?

Ọkọ ki nabumọ ọya-wn̄. (1Pita 3:7) Ki na n’iko n̄w. Ọkọ ki neju ẹn̄wu ki t’ukpahiu ọya-wn̄ le n, ki la na jẹnyu n̄wu efu ukọlọ-wn̄ duu ki a che akwọra unyi. (Kọl 3:15) I la d’ufẹdọ-wn̄ n̄a ọya -wn̄, I la a jẹnyu n̄wu.—Ita 31:28, 31.

Ọya a tene am’ọna kia ch’abunẹ ọkọ-wn̄. (Ita 31:12) I f’ọla-wn̄ kamuhitẹ n̄wu ọkọ-wn̄. (Kọl 3:18) Ukọọla ufẹdẹnyọ d’oj ukpalu-wn̄ n̄wu ọkọ-wn̄.—Ita 31:26.

Ata kpai iye, mẹ na d’iko n̄wu amọma mẹ. (Ọlọ 6:6, 7) Mẹ na ka n̄wu amọma mẹ kakini mẹ fẹdọ ma. (Mat 3:17) Ichẹn̄wu kẹ d’ukọla n̄wu amọma wẹ, d’ufẹdọ kpai ibe ch’ukọlọ.—Ẹf 6:4.

Amọma ki na gbọla kpai ebumọ ata kpai iye ma. (Ita 23:22) Ma na jẹnwu ata kpai iye ma ma ibe ma kpai ẹn̄wu ki ache ma. Ma na gba ukọla kwugbo abo ki bi ma, ku ma la d’ojima n̄wu ma.—Ita 19:20.

GO VIDIO D’UYỌ MANYU UYỌ N̄WU AKWỌRA UNYI WẸ, UBI LẸ DOHI ENE-I:

Ẹn̄wu ẹnẹnẹnẹnẹ ma che ki d’uyọ manyu uyọ n̄wu akwọra unyi-wn̄?