Am’ẹnwu ka n̄watanẹ efu arẹ wa ka che chi am’ẹn̄wu duu ka d’ogbọ ẹdọ wa che ka neke rẹ Jihofa nyọnyọ, k’ẹdọ-wn ki bọ. Ma ch’abunẹ wa ka gbọkonẹ efu arẹ wa. Idukpe ka d’ẹdọ wa, iko wa kpai ukpahiu wa n̄wu ma. (1Tim 4:15) Todu iko kpai am’ẹn̄wu arida, ichenyọ ka na dejugo am’ẹn̄wu ka n̄watanẹ ka che ikotiko duu. I neke chi kakini a neke che gẹ n abẹki a che kpa, a neke n̄wa ẹn̄wu omunẹ ka che.

Taki ọdọ etitọ e-i uchẹnyo ejẹ chanẹ ch’iko ki nyọ tule ka dejugo am’ẹn̄wu ka n̄watanẹ ka che. Ẹ neke ch’oluka ola-i iko arẹ e-i akwora unyi mẹ, kẹ la n̄watanẹ am’ẹn̄wu k’uwẹ kpai abo akwora unyi wẹ neke che.

Ẹn̄wu ẹ n̄watanẹ n̄wu ọla wẹ kẹ che efu arẹ wẹ am’ọna ojoji ojoji-i? Ẹn̄wu ch’amẹn̄wu kia ch’atẹko wẹ kẹn̄wu kẹ n̄watanẹ ki noji?