CH’ALI ABO KRAIST
Ma Ch’ukọlọ Nana ku ma Che Ẹwn̄ N̄w Wa
Am’adejutẹ am’ujeju abo udọ kpai am’ọya ma a d’ufẹdọ ki ma nechi n n̄a abo ku ma che ẹwn̄ n̄w. Ẹwn̄ a wọ ma dabu awa, ma n’amekwu ma, ọla ma akpa, ma chẹdọwulu. (Jem 5:17) Tabalẹ tabalẹ, efu aladi duu en̄wu kuma kpejuru chi e d’ugbẹdọ n̄w amomaye ẹnẹkẹlẹ kpai onobulẹ ki d’ujeju kuma dejudo. Ichenyọ ka nabu “ukpẹ ubumọ meji” n̄w am’adejutẹ am’ujeju abo udọ.—1Tim 5:17.
Ẹgba ki Pọl a mọlatanẹ ki dejudo ujeju abo udọ ku ma di Rom todu ki “f’ẹwn̄ ele ufẹdẹnyọ e-afu kpẹ” n̄wu ma, I neju kaki own kpai ama a n’ugbẹdọ. (Rom 1:11, 12) Uwẹ kpibe tanẹ ọna kẹ dugbẹdọ n̄wu adejutẹ am’ujeju mẹ kpai ọya-wn̄?
GO VIDIO ỌLAI ADEJUTẸ AM’UJEJU ABO UDỌ ADOGBE ADOGBE, UBILẸ DOHI AMI ENE-I:
-
Ẹn̄wu che am’ọna ki am’adejutẹ abo udọ kpai am’ọya ma a d’ufẹdọ ki ma nechi n n̄a ujeju abo udọ?
-
Ẹn̄wu ch’ile ku wẹ jẹ kwefu ukọlọ ma?
-
Abu a neke d’ugbẹdọ n̄wu ma?
