• Eli. 69:​30, 31—Abu am’ọgba Baibul-i neke ch’atẹko wa k’ọna k’a ch’adua ki nyọ gbọgba? (w99 1/15 18 ¶11)

  Ohi wẹ

• Ẹñwu ch’amẹñwu ọmẹmẹlẹ k’ẹ li kwefu Baibul ugbo k’a gba ef’aladi-i k’ẹ tene kọla oji-wñ?

  Ohi wẹ

Ef’ochu January 2009, ma m’ujeju meji k’a che ef’aladi du dama t’ujeju kate ef’aladi. E-lẹ d’uña ñwu abo akwọra unyi ku ma n’iko ku ma ach’arẹ akwọra unyi ọjọ ka ef’aladi duu. Amonẹ wewe che ch’ugbede alu ku ma neke d’iko tẹ ọjọ ka ef’aladi duu ku ma neke ch’arẹ akwọra unyi kp’abo ma todu k’iko-i ajẹñwu ma tẹmẹru Jihofa kp’abo akwọra unyi ma t’akwobi le.—Ọlọ 6:​6, 7.

Amẹñwu neke ch’atẹko am’ẹnẹnyi k’Arẹ Akwọra Unyi ma ki neke ch’e-ọmẹmẹlẹ?

• Na che iko duu. Ichẹñwu ki jẹ che, d’iko ka tanẹ ef’aladi duu ku mẹ ch’arẹ akwọra unyi. Mọla tanẹ ñwu ọjọ omunẹ ku mẹ neke che ichẹñwu ki n’ẹñwu ki ma jẹñwu mẹ neke ch’arẹ akwọra unyi ọjọ ku mẹ lo tẹ n

• Mọla tanẹ. Kp’ilo kp’ọya wẹ, k’ẹ la na t’amọma wẹ ene iko ẹbọ ẹñwu ki ch’ibe ma lugbo ẹñwu ku mẹ neke du ch’arẹ akwọra unyi. I ch’otila i che k’ẹ kp’iko biẹ ololo emọla ichẹñwu k’abo akwọra unyi ayọ ñwu ọna ku mẹ ache le ef’aladi duu n

• Tu ẹñwu k’abo akwọra unyi wẹ neke jile kwefu-wñ. Alu k’amọma mẹ na gba, amẹñwu ku mẹ adu ch’arẹ akwọra unyi ana rida. Emọlatanẹ wẹ ki ch’e-ki ach’atẹko abo duu ef’akwọra unyi wẹ ku ma neke tẹmẹru Jihofa nyọnyọ

• Mẹ na che ef’urẹdọ. Iko ẹbọ, ẹ neke tu ku mẹ dufu lot’ugbo ki dẹ yẹẹ ku mẹ neke ch’arẹ akwọra unyi. Ẹ neke d’iko tanẹ ku mẹ ñmi pẹẹ taku mẹ che alo. Ochochi, ẹ neke d’iko arẹ akwọra unyi kọla lugbo amẹñwu ki ch’ihianyi mẹ ef’akwọra unyi, ama ẹ ki d’iko lẹ deju r’ẹnẹ du n

• N’amẹñwu ojoji ojoji ku mẹ neke du ch’arẹ akwọra unyi. Ẹ neke ch’oka abẹki ọree ef’amẹñwu ojoji ojoji dabu emọla ujeju ki awa tanẹ, eg’ifidio oji jw.org ku mẹ ch’oluka oji-wñ manyu emọlatanẹ ọna ku mẹ neke j’uchẹnyọ. Oluka eche dama chẹñwu ogbogaga ef’Arẹ Akwọra Unyi, ama ẹ neke d’iko tẹ k’ẹnẹ duu ef’akwọra unyi ki neke ch’ukọchẹ Baibul kp’ọla-wñ

Mẹ ch’oluka oji ene-i:

• Ẹ d’amẹñwu k’a ka atẹ-i chekwu mama mẹ? Abu ẹ che le?

  Ohi wẹ