Iko-i, uchobi ki a che kp’ọla-n̄w na nana nyọgba. I chẹwn k’uchobi che, omẹ ka aja ka d’ubọla n̄wu abo k’uchobi kẹrẹbu ma dukpẹ ki ch’alu eju-n̄w nyọnyọ. Todulẹ, Uchẹ am’Ẹnutọgba fu che k’Ẹtọ ki a ch’Ukọlọ Ubọla ugbo k’uchobi che ki dẹ ugbo duu k’ẹtọ ugwẹta dẹ.

Ichẹn̄wu k’amọmaye ẹnẹkẹlẹ kuma d’ẹtọ ukọlọ lẹ gbọla lugbo uchobi du, ẹrẹrẹ ma ad’abogijo ọmọ ku ma ma eku ki a ku am’ajuchẹnyọ ọmọ. Ichẹn̄wu k’ẹn̄wu ki kpabiẹ t’ukpahiu am’ajuchẹnyọ ki dọmọ le, abo ẹtọ ugwẹta a chi amọmaye ẹnẹkẹlẹ ki bọjọ ku ma gbọgba ukọlọ ubọla lẹ. Amọmaye ẹnẹkẹlẹ lẹ neke tene abo ki jẹ ki buma chẹn̄wu, abẹk’edu ẹn̄wu duu chatẹko. Ma n̄ọ neke la am’ẹn̄wu eku ku ma kpẹ n̄wu ma ogbegbele lẹ.

Ile wewe defu-wn̄ ichẹn̄wu ka ma ch’ukọlọ-i ojik’ọla wa n. I a jẹn̄wu wa ch’ukọlọ meji n, ala an’afiteju n, ọkọ kpai amẹn̄wu eku ekpabiẹ a dọmọ n.

Amọmaye ẹnẹkẹlẹ k’etọ ugwẹta chi neke ka ọkọ onu kpai abo monu ku ma atene ef’ukọlọ ubọla lẹ. Ma n̄ọ neke ma abo gọmẹti ogbegbele, ki neke ch’atẹko wa k’ukọlọ ubọla lẹ ki ya. Todulẹ, mẹ ki gbọkọ ojik’ọla mẹ n, mẹ d’ẹn̄wu ubọla kpuchẹ n, mẹ la lo t’ugbo k’ẹn̄wu uchobi che n, chai ẹgba ku ma ka n̄w mẹ ku mẹ ch’abalẹ.

T’abalẹ, ẹgba k’uchobi che, a tene ka chateko. (Hib 13:16) A fẹdọ amọmaye wa! Ẹn̄wu a neke che? E ki ch’ogbogaga tule ch’echadua n̄w abo k’uchobi kẹrẹbuma kpai abo ku ma ach’ukọlo ubọla. A n̄ọ neke d’ọkọ t’akpati e ku ma du ch’ukọlọ ọgbọ ilẹ-i. Dabalu k’Uchẹ am’Ẹn’utọgba dọda tẹ, am’ẹtọ ugwẹta ch’abo ku ma neke ma alu ku ma ach’ọkọ lẹ le. Ichẹn̄wu ki du wa ẹdọ ka d‘ọla wa wef’ukọlọ-i, a neke kọ t’efu ọtakada Local Design/⁠Construction Volunteer Application (DC-50).

GO VIDIO UWOBI OMI LILE KI KP’ẸN̄WUBIẸ OJANẸ BRAZIL. UBI LẸ DOHI ENE-I:

Ẹn̄wu b’uwẹ ẹdọ efu am’ukọlọ ubọla k’Amẹnibenu Jihofa che ubi uwobi omi ki kp’ẹn̄wubiẹ ojanẹ Brazil ọdọ 2020?