Ẹn̄wu chi Baibul e-i kuma rẹkọdu? Baibul e-i kuma rẹkọdu chi ukomu am’ọla ki defu New World Translation e-i ku ma kọ 2013. Ma che dufu pẹpẹ alu am’ichi wewe. Ẹn̄wu ka jura kwefu Baibul e-i kuma rẹkọdu chi kakini a gbọ ukomu ojoji ojoji ku ma du n̄w amonẹ ki Baibul kọla lugbo ma. Ma d’omu ny’atẹ ugbo ki chukpẹ, kpai ọna ki a tunyunwa ọla todu k’inabali ki defu Baibul ki neke nẹruwa eju nyọnyọ.

Abu aboka a jile kwefu Baibul e-i kuma rẹkọdu? Abo ku ma netiru Baibul e-i kuma rẹkọdu ikotiko duu a n̄eju ọna k’inabali Baibul a tunyunma ọla. Todu ku ma gbọ ukomu ojoji ojoji ku ma du n̄w amonẹ ki Baibul kọla lugbo ma, i la ache ma dabẹnẹ ku ma dọmọ, i la jẹn̄wu ma nunẹreju ẹn̄wu ku ma kọ tefu Baibul. (Ita 4:5) Abo omunẹ ku ma netiru Baibul e-i kuma rẹkọdu li kakini i la jẹn̄wu ẹdọ ma bọ iko ku ma a dejiji.—Eli 94:19.

Ichẹwṅ ka netiru Ọla Ọjọ ku ma gba dufu gbogbo, i neke r’ọlai wa da. (2Iko 34:19-21) Ichẹwn̄ ki Baibul e-i kuma rẹkọdu dẹ alichi ki nẹreju, a d’ugbẹdọ n̄w ẹ kẹ na netiru ikotiko duu.

GO VIDIO ỌNA KU MA CHE BAIBUL E-I KUMA RẸKỌDU—E-I KA DU KWEFU-WN̄, UBILẸ DOHI ENE-I:

Ẹn̄wu ẹ n̄eju lugbo ọna kuma che Baibul e-i kuma rẹkọdu?