May 6-12
ELI EKỌ D’ỌJỌ 36-37
Eli 87 kpai Adua | Amẹñwu K’a Na Kọchẹ (1 min.)
1. “Ẹ Ki Kp’ẹdọ Biẹ Todu Am’achẹñwu Ẹbiẹnẹ N”
(10 min.)
Amẹnẹbibi an’iwọ kp’ọbata wa ñwu wa (Eli. 36:1-4; w17.04 10 ¶4)
Ichẹñwu k’a w’ẹdọ ‘b’amachẹñwu ẹbiẹnẹ’ ololo e-lẹ neke n’ihianyi wa ñwu wa (Eli. 37:1, 7, 8; w22.06 10 ¶10)
Ichẹñwu k’a kẹdọno amugbalutanẹ Jihofa, e-lẹ ad’urẹdọ wa ñwu wa (Eli. 37:10, 11; w03 12/1 13 ¶20)
T’ỌLA WẸ ENE, ‘U cha kp’iko biẹ ololo anetiru am’inabali lugbo amẹñwu ẹbiẹnẹ ki akẹrẹb’ilẹ-i?’
2. Amẹñwu Ọmẹmẹlẹ ki Defu Baibul
(10 min.)
-
Eli. 36:6—Ẹñwu neke jẹñwu akeli ki dẹ kakini ọkpakpa Jihofa dabẹnẹ “k’uwo uwo e-Ọjọ”? (it-2 445)
-
Ẹñwu ch’amẹñwu ọmẹmẹlẹ k’ẹ li kwefu Baibul ugbo k’a gba ef’aladi-i k’ẹ tene kọla oji-wñ?
3. Baibul Egba
(4 min.) Eli. 37:1-26 (th ukọchẹ 10)
4. Chanẹ Uchẹnyọ Ejẹ Kpai Amonẹ
(3 min.) UNYI T’UNYI. (lmd ukọchẹ 1 ọgba 5)
5. Edabi Dejudo
(4 min.) ETAKOYA IKO K’A MA D’OKO UCHẸNYỌ EJẸ N. Ka ñwu ẹnẹ ka ki ma tene ch’ukọchẹ Baibul kwobi n ọna k’a ch’ukọchẹ Baibul le. (lmd ukọchẹ 9 ọgba 4)
6. Ukọla
(5 min.) ijwbv 45—Oji-ọla: Ẹñwu ch’ofe ọla ki d’efu Eli Ekọ D’Ọjọ 37:4? (th ukọchẹ 13)
Eli 33
7. Ẹ Chẹ Mọla Tanẹ Ñwu “Iko Ọpẹcha”?
(15 min.) Oluka.
Am’uchobi ki ache kp’ọla-wñ kpai e-k’amonẹ d’ọwọ ma fọ akp’amẹñwu k’amọmaye wa nẹ biẹ ugbo duu ef’ilẹ-i. I la ñọ n’abo ma ki kwu todu am’uchobi ki dẹ. (Eli. 9:9, 10) Ichẹñwu ẹdọ dudu kakini “iko ọpẹcha” neke wa iko k’a ma neju-wn̄ n, todulẹ i dukpẹ k’ọgbọ du wa ki fọla mu tanẹ ñwu iko ọpẹcha.
Alu k’a na mọla amẹñwu a ki neke ch’atẹko wa iko uchobi, ẹñwu ch’amẹñwu omunẹ ki neke ch’atẹko wa k’a legwu efu iko uchobi du?
-
Du t’ibe iko du kaki uchobi neke kẹrẹb’ẹ: Ma kaki uchobi neke che, k’ẹ la kpibe oji ẹñwu k’ẹ neke che ichẹñwu k’uchobi che. Ẹ ki fẹdọ amẹñwu ekwu k’ẹ nẹ ololo n. E-lẹ ach’atẹko wẹ k’ẹ ch’alu du k’ẹ neke che k’ẹ dide ọlai wẹ kpai e-abomunẹ kọke amẹñwu ekwu k’ẹ nẹ. (Aba 19:16; Eli. 36:9) Ichẹñwu k’ẹ ma fẹdọ amẹñwu ekwu k’ẹ nẹ ololo n, e-lẹ neke ñọ ch’atẹko wẹ k’ẹ neke legwu efu iko uchobi du ichẹñwu k’amẹñwu ekwu k’ẹ nẹ mu kpabiẹ.—Eli. 37:19
-
Jẹñwu ukẹdọno wẹ ñwu Jihofa ki lonyanẹ: Jẹñwu ukẹdọno wẹ lugbo ukpahiu Jihofa manyu alu ki Jihofa añeju ki kwula ñwẹ ki lonyanẹ. (Eli. 37:18) Taki uchobi ki che, na ch’ọla-wẹ arewa kaki Jihofa adidẹ wẹ, i la nẹ wa le dagba ki ch’ọlai wa kate a neke jadu iko uchobi lẹ.—Jẹr 45:5; Eli. 37:23, 24
Ichẹñwu k’a kẹdọno kaki Jihofa ache amẹn̄wu ki gbalutanẹ, e-lẹ ajẹñwu wa du Jihofa “ch’aku [wa] iko ọpẹcha.”—Eli. 37:39.
D’IFIDIO Ẹ Chẹ Mọla Tanẹ Ñwu Iko Uchobi? no. Ubilẹ, n’amọja am’ene-i:
-
Abu Jihofa neke ch’atẹko wa iko uchobi?
-
Ẹñwu ch’amẹñwu k’a neke che k’a du mọla tanẹ ñwu iko uchobi?
-
Ọna ẹñwu a neke ch’atẹko abo k’uchobi kẹrẹbu ma?
8. Ukọchẹ Baibul e-Abudọ
(30 min.) bt oji 9 ¶8-16
