1. Ẹn̄wu chu “urẹdọ e-Ọjọ,” ẹn̄wu alanẹ kwefu n̄wu? (Filipai 4:6, 7)

 PEOPLE for this world think say they get peace, but e get the kind peace wey them no know anything about. Na “the peace wey God de give”! This one na the good heart condition wey people wey be Jehovah friend de enjoy. When we get this peace wey God de give, we no go de fear or de worry anyhow. (Read Philippians 4:6, 7.) We go enjoy peace with people wey love Jehovah. And we go be tight friend of ‘God wey de give peace.’ (1 Thess. 5:23) Sometimes, we de face condition wey de make us worry well-well. But when we know, trust, and de obey our Papa for heaven, the peace wey God de give go calm us down.

2. Ẹn̄wu ajẹn̄wu wa ma kaki anurẹdọ e-i Ọjọ?

² Sometimes we de face problem like, sickness wey de spread, disaster, serious fight and protest, or people fit de suffer us because we de worship Jehovah. When this kind thing happen, we go fit really get the peace wey God de give? Any of this problem fit put fear for our body. But Jesus tell us say: “Make wuna no allow wuna heart trouble wuna, and make wuna no allow fear catch wuna.” (John 14:27) E de make us happy to see say brothers and sisters de follow this advice. And Jehovah don help them fit get peace of mind even when them de face all this kind problem.

3. Abu Ọga ki kpọranẹ ad’ihianyi n̄wu urẹdọ wa?

³ Sickness wey de spread for our area or for the whole world fit affect almost everything for our life. Think about how  coronavirus affect many people. One report show say many people no fit sleep or sleep well for the time wey coronavirus de spread. The sickness make plenty people really worry, no happy again with their life, over drink, use hard drug, make fight-fight and quarrel for family increase, and make people try to kill theirself. If sickness start to spread for the area wey you dey, wetin go help you no too worry and enjoy the peace wey God de give?

4. Abu ema achẹ Jisọs lugbo ọjọ Otitala adurẹdọ n̄wu wa?

⁴ Jesus talk say for the last days, “different-different sickness go de spread from one place go other place.” (Luke 21:11) As we know this one, how e fit make us get peace of mind? When sickness start to spread, e no go surprise us. E de help us know say things de happen just the way Jesus say e go be. Since na wetin Jesus talk de happen, e de give us mind to follow e advice, when e talk say: “Make wuna no fear.”—Matt. 24:6.

5. (a) Alu ki dẹ efu Filipai 4:8, 9, abu achadua iko k’ọga chẹ kpọranẹ? (b) Abu eneti ru Baibul efu rekọdu neke dile n̄we?

⁵ When sickness start to spread for our area, e fit make us start to worry and fear sotey we no go know wetin we go do. Na wetin happen to one sister wey e name na Desi. b Na coronavirus kill e uncle, cousin, and doctor. This one make our sister start to fear say e fit catch the sickness and give-am to e mama wey don old. Because of the coronavirus, e start to fear say them fit sack-am for work. This one make-am start to worry say if e no get work again, how e go get money for food and house rent. E worry sotey e no fit de sleep for night again. But Sister Desi stop to worry and get peace of mind again. Wetin help-am? E pray say make Jehovah help-am dey calm and think about good things. (Read Philippians 4:8, 9.) E listen to audio recording of Bible and e just be like say na Jehovah de talk to-am. Sister Desi talk say: “I really enjoy the audio recording. E make my mind come down and remind me say Jehovah de care for me.”—Ps. 94:19.

6. Ab’ukọchẹ Baibul wẹ kpai e-i ef’ujeju achabunẹ wẹ?

⁶ When sickness de spread just as e happen for coronavirus time, e fit make us no fit de do wetin we de do before. But make you no let-am stop you to de do personal study or join congregation meeting. If you read or watch the life story of our brothers and sisters, you go see say you no de alone. And them still de worship Jehovah well as them de face the kind problem wey you de face. (1 Pet. 5:9) When you join congregation meeting, the things wey you go learn for there go help you fit put mind for wetin Bible de teach. You go get chance to  encourage your brothers and sisters and they go still encourage you. (Rom. 1:11, 12) Make you think about how Jehovah de help e servant when them de sick, fear or dey alone. This one go make your faith strong say Jehovah go always support you.

7. Ẹn̄wu akọchẹ kwugbo ẹnẹ ukpuchẹ Jọn?

⁷ Do your best to see or talk to brothers and sisters. When sickness like coronavirus de spread, e fit be say we no go fit near our brothers and sisters. When this kind thing happen, e fit make you feel like apostle John. E really like to see Gaius wey be e friend face-to-face. (3 John 13, 14) But John see say e condition no go allow-am see Gaius. So wetin John do as e no fit see e friend? E write letter to-am. Wetin you fit do if e no dey possible to visit brothers and sisters? You fit call them for phone, video call, or send them text message. When you de talk with brothers and sisters like this, e go make you know say you no dey alone and you go dey calm. And when you de worry, make you talk to the elders and follow the advice wey them go give you.—Isa. 32:1, 2.

8. Abu uchobi neke d’ihianyi n̄w’urẹdọ wẹ?

⁸ If water, earthquake, or fire destroy your property, e fit make you worry for long time even after the problem. If your person die for the disaster, or e destroy your house or property, e fit pain you, make you feel like say hope no dey again, or make you vex. Because you de feel like this no mean say you too like money and property, or say you no get faith. Since na serious problem you face, e de pain and na normal thing to feel like that. (Job 1:11) Even with all this one, you fit still get peace of mind. How?

9. Abu Jisọs fu wa ọla mu tanẹ todu am’uchobi?

⁹ Jesus don tell us say plenty bad things go de happen for last days. Some people think say bad thing no go ever happen to them. But we know say disaster go de happen for this our time, and some of them fit affect us. Jesus tell e disciples say serious earthquake and other disaster go de happen before God Kingdom come. (Luke 21:11) Jesus still talk say “people wey no de follow law go de plenty more-more.” We de see say this one de happen, as people de do wicked things, de fight and kill people anyhow. (Matt. 24:12) Jesus no talk say if we de suffer because of this problem, e mean say Jehovah don leave us or no de care for us. The truth be say, e de affect many servant of Jehovah wey de worship-am well. (Isa. 57:1; 2 Cor. 11:25) Jehovah fit no do something so that disaster no go near us, but e go give us wetin we need to fit dey calm and get peace of mind.

10. Abu ọla emu abajọi todu uchobi dẹdọ ekono wa n̄a? (Ita - Ita 22:3)

¹⁰ If we don already prepare wetin we go do when wetin we no expect happen, e go help us dey calm and know the correct thing to do when disaster happen. But when we prepare, e de show say we no get faith? No! The truth be say, if we prepare now, e de show say we get faith say Jehovah go fit care for us. Why we talk like that? Bible advise us say make we prepare for wetin we no expect. (Read Proverbs 22:3.) Jehovah organization don tell us plenty times say make we prepare for wetin we no expect. c Them de use our book them, congregation meeting, and announcement tell us. How you fit show say you trust Jehovah? Na to de follow the advice wey e de give us now, before disaster happen.

11. Ẹn̄wu ẹkọchẹ kwugbo ujiwe Margaret?

 ¹¹ Make we talk about wetin happen to one sister wey e name na Margaret. Government people say make people for e area pack comot from their house because of the serious fire wey de burn for their area. But because plenty people de try run comot from the area for the same time, the road block because of serious hold-up. Sister Margaret no fit comot from e motor because smoke cover everywhere. But e survive because e don prepare before the fire start. E put one map for e bag wey help-am know another road wey e fit follow comot from the area. E don follow the road before so that e no go hard-am when something like this happen. Sister Margaret survive because e prepare before the fire start de burn for the area.

12. Abu ana leb’ọla ki neke jadu wa iko uchobi?

¹² Government fit talk say make people no comot from house, make them pack comot from their area, or make them do other things, so that wetin de happen for the area no go affect them. Some people no de quick obey and some no want obey at all because they no want lose their property. Wetin servant of Jehovah suppose do? Bible talk say: “Because of the Lord, make wuna dey under all authority by man, whether na to king because e get big position or to governors as e send them to punish bad people.” (1 Pet. 2:13, 14) Jehovah organization still de tell us wetin we go do wey go protect us. Them de always tell us say make we give our correct phone number or where we de stay to the elders. This one go help them fit call us or visit us when something happen. You don give them your own? Them fit tell us say make we no comot from house, or when we need to pack comot from our area. Them fit still tell us how to get the things wey our organization bring come for us, or how we fit help other brothers and sisters, and when we fit help them. If we no obey, we fit put our life or the life of the elders for danger. Remember say Jehovah give them the work to de care for us. (Heb. 13:17) Sister Margaret talk say: “I dey sure say wetin make me survive na because I follow wetin the elders and our organization talk.”

13. Ẹn̄wu aduyọ kpai urẹdo̱ n̄wu amọmaye k’uchobi chi kẹrẹ bu ma?

¹³ Disaster, war, or riot don make many brothers and sisters run comot from their  house. This brothers and sisters don do their best to adjust to their new area and continue to worship Jehovah. Some Christians for apostle time run go different-different place because people de suffer them as them de serve Jehovah. But them “continue to preach the good news about the word of God.” (Acts 8:4) When them de preach, e de help them comot mind from their problem and de think about God Kingdom. And this one don make them continue to happy and get peace of mind.

14. Abu adoli neke d’ihianyi n̄wu urẹdọ wa?

¹⁴ When people de suffer us because we de worship Jehovah, e fit spoil things for us and make us no happy. We de enjoy-am when we gather together to worship Jehovah, go preach to people, and do other things without fear say them fit arrest us. If them ban our work or de disturb us, e fit make us de fear and worry about wetin fit happen to us. Na normal thing to feel like that. But we need to dey careful. Wetin Jesus talk show say some of e disciples fit leave-am when people suffer them because them de worship Jehovah. (John 16:1, 2) So wetin fit help us continue to get peace of mind when people de suffer us because of Jehovah?

15. Ẹn̄wu chi ka ma chokpo adoli n? (Jọn 15:20; 16:33)

¹⁵ Bible talk say: “They go still suffer anybody wey want live e life as God want and follow Christ Jesus.” (2 Tim. 3:12) E hard one brother wey e name na Andrei to believe this one, when government ban our work for their country. E tell e self say: ‘Jehovah Witness People plenty well-well for this country, so how they go fit arrest all of us?’ But this way wey Andrei de think no make-am get peace of mind, instead e make-am really worry. Other brothers trust Jehovah and no think say police no fit arrest them. They know say police fit arrest them, but them no de too worry like Andrei. This one make-am copy the brothers and use all e heart trust Jehovah. Na that one give-am peace of mind and make-am de happy even with the problem wey them de face. We fit still de happy and get peace of mind even when people de suffer us. Na true say Jesus tell us say people go suffer us, but e still talk  say we go fit continue to hold Jehovah tight.—Read John 15:20; 16:33.

16. Ẹnẹ agbọ ọla n̄wu iko adoli?

¹⁶ When them ban our work or de disturb us, branch office or elders for our congregation fit tell us wetin we go do. The things wey they go tell us na to protect us and to make sure say we continue to get the things wey we need to fit continue to worship Jehovah well. And to continue to preach as we fit. Abeg make we do our best to obey them even if we no really understand why them say make we do something. (Jas. 3:17) And abeg, make you no ever tell anybody about our brothers and sisters or things about the congregation, if the person no suppose know about-am.—Eccl. 3:7.

17. Dabu amẹnẹ ukpuchẹ iko ejodudu, ẹn̄wu afọlamu tanẹ ka che?

¹⁷ One of the main reason why Satan de fight against God people na because them de “tell people about Jesus.” (Rev. 12:17) No let Satan and e people make you fear. When we de preach to people and teach them even if people dey against us, e go make us de happy and get peace of mind. For the time of the apostles, the leaders for Jew people religion tell the apostles say make them stop to preach. But wetin them do? Them decide to obey God and continue to de preach. This one really make them happy. (Acts 5:27-29, 41, 42) When they ban our work or de disturb us, we need to really dey careful when we de preach. (Matt. 10:16) And when we do our best for the preaching work, we go get peace of mind because we know say we de make Jehovah happy and say our message fit save people life.

18. Ẹn̄wu arewa lugbo ẹnẹ ki chẹtẹ urẹdọ ka tene enẹ?

¹⁸ Make you get-am for mind say no matter how things hard reach, we fit still get peace of mind. When things really bad, make we remember say the peace wey we need na the peace wey only Jehovah de give. Trust Jehovah say e go help you when sickness de spread for your area, when disaster happen, or when people de suffer you because you de worship Jehovah. Make you hold Jehovah and e organization tight. And put eye for the better life wey Jehovah don arrange keep for you. When you do this one, “the God of peace go dey with [you].” (Phil. 4:9) For the next article, we go talk about how we fit help our brothers and sisters get peace of mind when them de face problem.