Skip to content

Skip to table of contents

KỌCHẸ OJI ỌLA 50

“Uwẹ Ad’ugbo mi efu Paradais”

“Uwẹ Ad’ugbo mi efu Paradais”

‘Ami naka n̄wẹ en̄ini-i, uwẹ ad’ugbo mi efu Paradais.’—LUKU 23:43.

ELI 145 God Promise Us Paradise

WETIN WE GO LEARN? a

1. Taki Jisọs kwu, ẹn̄wu ika n̄wu oji ki diba n̄wu? (Luku 23:39-43)

 JESUS and the two bad men wey them nail for pole for e two side de suffer serious pain as them de die small-small. (Luke 23:32, 33) The two bad men laugh Jesus as them dey for the pole, this one show say them no dey among the people wey de follow Jesus. (Matt. 27:44; Mark 15:32) But one of them stop to laugh-am and talk say: “Jesus, remember me when you reach your Kingdom.” Then Jesus tell-am say: “True-true I de tell you today say, you go dey with me for Paradise.” (Read Luke 23:39-43.) Nothing show say this man don accept the message wey Jesus preach about the Kingdom. And Jesus no tell-am say e go enter the Kingdom wey dey heaven. (Matt. 4:17) But na the Paradise wey go dey this earth, Jesus de talk about. Why we talk like that?

2. Ẹn̄wu du n̄a ka koji ki ribeda lẹ chi Ju?

2 E fit be say the one wey stop to laugh Jesus, na Jew person. E tell the other one say: “You no de fear God at all, now wey you don receive the same punishment with this man?” (Luke 23:40) Jew people de worship only one God, but people for other nation de worship plenty god. (Ex. 20:2, 3; 1 Cor. 8:5, 6) If to say the two of them no be Jew people, the question wey the man for ask, for be, “You no de fear the gods at all?” Another thing be say, God no send Jesus to people of other nation, but na to “the sheep wey don lost for the house of Israel.” (Matt. 15:24) And God don make Israel people know say e go bring people wey don die, back to life. Wetin the bad man wey stop to laugh Jesus talk show say e believe-am. And e still show say e believe say Jehovah go bring Jesus back to life and make-am King of E Kingdom. E fit be say the man still believe say God go bring-am back to life.

3. Ẹn̄wu neke wefu ibe oji ki ribeda lẹ iko ki Jisọs kọla lugbo Paradais? Kọla oji n̄wu. (Abakwanẹ 2:15)

3 Since the man wey stop to laugh Jesus na Jew, e fit don know about the garden of Eden (Paradise) wey God put Adam and Eve. So e fit don believe say the Paradise wey Jesus talk about, go be fine place for this earth.—Read Genesis 2:⁠15.

4. Ẹn̄wu aneke deju go efu ọla ki Jisọs ka n̄wu oji lẹ?

4 Wetin Jesus tell the man suppose make us think about how life go be for Paradise. For Paradise, peace go dey! We go fit learn more about this kind peace from the peace wey Israel people enjoy when Solomon de rule as king for Israel. We know say Jesus wey be the King of God Kingdom go do pass wetin Solomon do. E go work with people wey go rule with-am to make the earth Paradise. (Matt. 12:42) We know say people wey get the hope to live for this earth go like know wetin them fit do to live for Paradise.—John 10:⁠16.

ABU IN̄MI EFU PARADAIS NEKE DẸ?

5. In̄mi ẹn̄wu aneju efu Paradais?

5 Wetin de come your mind when you think about how life go be for Paradise? E fit be say na fine place like the garden of Eden de come your mind. (Gen. 2:7-9) Or your mind fit go wetin prophet Micah talk say God people go sitdown under the tree wey them plant for their house. (Mic. 4:3, 4) Wetin Bible talk say food go full everywhere for this earth fit still come your mind. (Ps. 72:16; Isa. 65:21, 22) So you fit see yourself for one fine place, as you sitdown for front of one table wey plenty better-better food dey ontop. And better scent of plant and flower de enter your nose. You fit still see yourself with your family and friends even the ones wey just come back to life, as wuna de talk and laugh together. All this things no be just story-story. We dey sure say them go happen for this earth. And we still know say for Paradise, we go get work wey we go de enjoy to do.

6. Ẹn̄wu ana che efu Paradais? (G’ifoto.)

6 Jehovah make us to fit enjoy our work. (Eccl. 2:24) For the One Thousand Years wey Jesus go rule, we go really get better work to do. People wey go survive Armageddon and the plenty people wey Jehovah go bring back to life go need food, cloth, and place to stay. To do all this one, you no see say plenty work go full ground to do! Just as Jehovah tell Adam and Eve to take care of the garden of Eden, na so we self go get the better work to make the whole earth become Paradise. Just still think about how e go be to teach the plenty people wey God go bring back to life wey no really know Jehovah. And people wey worship Jehovah but wey die before Jesus come this earth, we go still need to tell them plenty things wey happen after them die.

7. Ẹn̄wu ch’ukibeno wa, ẹn̄wu la chi?

7 We dey sure say for Paradise, peace go dey everywhere, we go get everything wey we need and things go arrange well. Why we talk like that? Because Jehovah don already show us example of how Paradise go be. We fit see this example for how life be when Solomon de rule for Israel.

ỌFẸ ONU SOLOMỌN—CH’UJIWE PARADAIS

8. Abu ọla ki defu Eli-Ekọ-D’Ọjọ 37:10, 11, 29 chẹ le anubi K’Onu Dafid k’ọla lẹ janẹ? (Go “Amene ki kwugbo abo kia gbọtakada” efu oji ọla-i.)

8 Jehovah use David write about how life go be when Jesus start to rule as King for E kingdom. (Read Psalm 37:10, 11, 29.) When we de tell people about Paradise, plenty times we de read Psalm 37:11 to them. That one good, because when Jesus de teach people for Mountain, wetin e talk show say wetin dey that Bible verse go happen for future. (Matt. 5:⁠5) But wetin David talk still show how life go be when Solomon de rule as king for Israel. For Solomon time, God people get peace and things go well for them for the Promise Land. God tell e people say: “If wuna de follow all my law . . . , I go give wuna peace for wuna land, and nobody go make wuna fear when wuna de sleep.” (Lev. 20:24; 26:3, 6) This one happen when Solomon de rule. (1 Chron. 22:9; 29:26-28) And Jehovah still talk say, “wicked people no go dey again.” (Ps. 37:10) So this one show say wetin dey Psalm 37:10, 11 and 29 happen for Solomon time and go still happen for future.

9. Ẹn̄wu Onu onobulẹ Shiba ka lugbo ọfẹ Onu Sọlọmọn?

9 The queen of Sheba hear about how things de go well and the peace wey Israel people de enjoy as Solomon de rule. This queen from another land travel far go Jerusalem to fit use e two eye see-am. (1 Ki. 10:⁠1) After e see how life really be for Solomon kingdom, e talk say: “Wetin I hear no even reach half of wetin you get. . . . All this your people and your servants wey always dey with you and de hear your word of wisdom, go really dey happy!” (1 Ki. 10:6-8) How life be when Solomon de rule na just small example of wetin Jehovah go do for Paradise when E Son, Jesus don de rule.

10. Am’ẹn̄wu Jisọs du tọgba n̄wu Sọlọmọn?

10 Jesus pass Solomon for everything. Solomon no dey perfect and e make plenty mistake wey cause serious problem for Israel people. But Jesus na perfect King wey no go ever make mistake. (Luke 1:32; Heb. 4:14, 15) Jesus no gree leave Jehovah even as Satan put pepper for e eye reach. Jesus don show say e no go ever sin or do anything wey go bring problem for the people wey e de rule. Na Jesus be the best King wey we fit ever get.

11. Abo chẹnẹ abunẹ ki Jisọs nẹ?

11 Jesus and the 144,000 wey go rule with-am go care for us and make wetin Jehovah get for mind happen for this earth. (Rev. 14:1-3) This 144,000 na people wey Jehovah choose from this earth, them don suffer the kind things wey we de suffer, so they get pity and really understand us. But which work this 144,000 go do?

ẸN̄WU CHUKỌLỌ ABO KUMA BEKPO TUMA OJI?

12. Ukọlọ ẹn̄wu Jihofa adu n̄wu abo 144,000?

12 The work wey Jesus and the people wey go rule with-am go do pass the work wey Solomon do by far. Solomon only rule people wey dey the land of Israel. But Jesus and the 144,000 go rule and take care of everybody wey go dey this earth. You see the kind big favor wey Jehovah give the 144,000?

13. Ẹn̄wu chukọlọ abo kuma jọfẹ kpai Jisọs?

13 Jesus and the 144,000 go be king and priest. (Rev. 5:10) For Israel people time, when Jehovah give them Law through Moses, the main work wey the priest de do na to help Israel people know wetin they go do make they no sick and help them near Jehovah. Since the Law na example of “[better] things wey de come,” e make sense to believe say Jesus and the 144,000 go remove sickness and help God people worship Jehovah well. (Heb. 10:⁠1) For now, we no know how Jesus and the 144,000 go take direct people wey go dey for this earth, we need to wait and see how e go be. But any way Jehovah arrange-am, we de sure say God people for this earth go get the kind direction wey they need.—Rev. 21:3, 4.

ẸN̄WU CHOTILA N̄WU “AMALA OMUNẸ” KU MA NEKE CHE TA KU MA DODO EFU PARADAIS?

14. Ẹn̄wu chojoji amala omunẹ kpai amọmaye Kraist?

14 Jesus call people wey go rule with-am “little flock.” (Luke 12:32) Jesus still talk about another group of people wey e call “other sheep.” And this two group dey together as one under Jesus. (John 10:16) The people for this two group don de work together today and we dey sure say they go continue to work together even for Paradise. When Paradise don come, e dey clear say the “little flock” go dey with Jesus for heaven and the “other sheep” go live forever for this earth. But plenty things dey wey the “other sheep” need to do to fit live for Paradise.

15. (a) Abu amala omunẹ adama kpai amọmaye Kraist? (b) Abu aneke lebọ ujiwe ọmaye ki dejefu ugbo ku ma k’adu jọ? (G’ifoto.)

15 That man wey later stop to laugh Jesus, no get the chance to show say e value wetin Jesus do for-am. But we no be like that man because we get many opportunity to show say we value wetin Jesus do for us. For example, the way we de treat Jesus brothers wey be the anointed de show if we love Jesus. Na wetin Jesus say e go use judge the other sheep be that. (Matt. 25:31-40) We de show say we de support the anointed when we de use all our mind do the preaching work. (Matt. 28:18-20) So make we de use everything wey them de give us for the preaching work, things like Enjoy Life Now and Forever! book. If you never de study Bible with person, you fit plan to de preach to many people and try start Bible study with them?

16. Ẹn̄wu defu onẹ edọlan̄wu tẹ n̄wu ojanẹ Ọjọ?

16 We no need to wait make Paradise come before we become the kind person wey Jehovah want for there. E good make we de talk true for everything now, and de behave well. Make we be Jehovah tight friend, make we love our husband or wife and our brothers and sisters, and make we no do wetin go pain them. If we de obey Jehovah now for this wicked world wey Satan de control, e go de easy for us to fit obey-am for Paradise. We fit still learn handwork and other better character wey go show say we de prepare to live for the new world. Check the topic for this Watchtower wey be “You Don Ready for ‘the Earth Wey God Go Give You’?

17. Achẹdọ wulu oji ẹbiẹnẹ wa igbele? K’anẹreju n̄wu.

17 Make we no de allow our conscience de over worry us for bad thing wey we don do before. This one no mean say we go just de commit sin because Jesus don die for us. (Heb. 10:26-31) But if we don commit serious sin, make we repent and leave-am, and go meet the elders for help. If we don do this one, we de sure say Jehovah go forgive us and e no go carry-am for mind again. (Isa. 55:7; Acts 3:19) Remember wetin Jesus tell Pharisee people, e talk say: “I no come because of righteous people, but I come because of sinners.” (Matt. 9:13) As Jesus don die for us, Jehovah fit forgive us for any sin wey we commit.

ẸNEKE DEJU OGBEGBELẸ EFU PARADAIS

18. Ẹn̄wu ẹneke ka lugbo oji ki kwu iba Jisọs?

18 You fit see yourself for Paradise de talk to the man wey stop to laugh Jesus? We dey sure say wuna go just de talk about how e sweet wuna reach say Jesus die for wuna. Maybe you go like ask-am wetin happen just before Jesus die, and how e feel when Jesus tell-am say e go dey with-am for Paradise. E fit still ask you how life be for the last days of Satan world. E go really sweet to study God Word with that kind people!—Eph. 4:22-24.

19. Ẹn̄wu chi k’olai efu Paradais ma nọla ekpa n? (G’ifoto ẹpa ejodudu.)

19 Life for Paradise go too sweet! E no go ever tire us. We go get plenty better friend and better work to do. The one wey dey important pass be say we go de know our Papa for heaven more-more and de enjoy wetin e de give us. We no go ever fit learn about Jehovah finish, and we get many things to learn about the things wey e make. Our love for Jehovah go de grow as we continue to dey alive. We no go ever fit thank Jehovah and Jesus finish for the hope wey them give us to live forever for Paradise!

ELI 22 The Kingdom De Rule—Make E Come!

a You de always think about how life go be for Paradise? We go gain if we de think about-am. The more we de think about how life go be for Paradise, the more e go de sweet us to teach people about-am. This article go make our faith for the Paradise wey Jesus don promise, strong more-more.

b OTHER THINGS ABOUT THE PICTURE: One brother wey go like teach people wey God go bring back to life for Paradise, don start to de teach people now.