Ọna k’ẹ neke jile nana kwefu ukọchẹ Baibul-i
Ka ñwu onẹ ki ch’ukọchẹ kp’uwẹ: Ka ñwu ẹnẹ ki d’ọtakada-i ñwẹ ki ch’ukọchẹ Baibul kp’uwẹ, abẹk ẹ lo tu jw.org. k’ẹ ka ñwu wa kaki ẹ tene kọchẹ Baibul.
UKPẸ EJODUDU
Gba am’ọgba-wñ du manyu ene ki d’oji ñwu (A) kpai ọgba Baibul (B) ki akọla ogbogaga ki defu-wñ. Du tef’ẹdọ wẹ kaki ẹ ñọ gba am’ọgba Baibul ku ma kọ ‘ ‘gba” t’iba ma.
UKPẸ ALUMEJI
Ẹñwu ejodudu ku ma kọ (CH) ofe N’uma Nyọgba ajẹñwu wa ma ẹñwu k’a na kọchẹ. Am’oji ọla kekele (D) ajẹñwu wa ma amẹñwu ogbogaga ki dọmọ. Gba am’ọgba Baibul, dohi am’ene, k’ẹ la g’amifidio (E) ki dọmọ.
G’amifoto ki dọmọ nyọnyọ kpai amẹñwu ku ma kọ j’ofe-wñ (Ẹ), k’ẹ la kpibe alu k’ẹ dohi Abo Ka Kakini (F).
UKPẸ OTITALA
Ẹy’ọla Ukọ-i kpai Ẹñwu Ẹ Kọchẹ? (G) ad’ukọchẹ oji-ọla w’ukpoji. Kọ tanẹ ọjọ k’ẹ kpoji ukọchẹ lẹ. Ẹñwu K’ẹ Neke Che (GB) ach’atẹko wẹ k’ẹ neke kọchẹ t’ọgba abẹki ed’ẹñwu k’ẹ kọchẹ chekwu. Kọchẹ Manyu (GW) ach’atẹko wẹ k’ẹ neke li amẹñwu k’ẹ neke gba abẹki ẹñwu k’ẹ neke go ki ajẹñwu ẹ n’uma nyọgba.
Alu k’ẹ neke li am’ọgba Baibul k’ẹ tene
Ichẹñwu ku ma kọ oji Baibul duu efu ọtakada-i, i achanẹ kpai, odu ọtakada Baibul lẹ (A), ubilẹ ẹ li oji-wñ (B), tak ẹ li ọgba abẹki am’ọgba efu-wñ (CH). G’ujiwe-i, Jọn 17:3 akọla lugbo ọtakada Jọn, oji 17, ọgba 3.
