UKỌCHẸ 01

Abu Baibul Neke Chatẹko wẹ le?

PLAY

Ojile wa n’amene ka atẹ lugbo ilẹ-i, ẹñwu ki chi k’a ch’ọbata, k’a kwu, kpai alu k’ejọgba wa ana dẹ. A ñọ kp’ibe alu k’a ja kpai am’akanya wa ọjọ duu, dabalu k’a neke n’ọkọ ki abu wa jọ ela am’ẹñwu k’a tene, manyu alu k’a neke jẹñwu akwọra unyi wa ki n’ẹdẹbọ. Amonẹ wewe che li kaki Baibul kate neke dohi am’ene ma, i la ñọ d’ibe ọmẹmẹlẹ ku ma neke du chekwu ọjọ duu. Ẹ neju kaki Baibul neke ch’atẹko ẹnẹ du k’ẹ ma?

1. Ẹñwu ch’amene ki Baibul dohi ma?

Baibul che dohi am’ene ogbogaga: Abu ọlai wa chanẹ le? Ẹñwu chi k’a defu ilẹ-i? Ẹñwu chi k’amonẹ ach’ọbata? Ẹñwu akẹrẹb’ẹnẹ ki kwu? Ichẹñwu k’ọgbọ amonẹ atene urẹdọ, ẹñwu chi k’ogwu dẹ? Ẹñwu ana kẹrẹb’ilẹ-i ejọgba? Baibul ad’ugbẹdọ ñwu wa ka neke tene ohi am’ene-i, amonẹ wewe la f’ohi ene-i li kwefu Baibul mẹ.

2. Abu Baibul neke ch’atẹko wa ka jura efu ọlai wa ọjọ du?

Baibul ad’ibe ọmẹmẹlẹ ñwu wa. K’a g’ujiwe, Baibul akọ abo akwọra unyi alu ku ma neke n’ẹdẹbọ le. I la ad’ibe ñwu wa ẹñwu k’a ache ichẹñwu k’a defu ihianyi kpai alu k’a neke n’ẹdẹbọ efu ukọlọ wa. Ẹ ñọ kọchẹ ẹñwu ki Baibul akọ wa lugbo am’oji ọla-i manyu amẹñwu wewe omunẹ alu k’a ch’oluka kwefu ọtakada-i dama. E-i neke jẹñwu ẹ ma kakini “ọla ọtakada-wñ du [Ọtakada Ọla Ọjọ] . . . chen’ile.”—2 Timoti 3:16.

Ọtakada-i koji Baibul-n. I muda ad’ugbẹdọ ñwẹ k’ẹ g’ẹñwu ki defu Baibul kpai ọla wẹ. Todulẹ, a gbọkọ b’ẹ k’ẹ gba am’oji Baibul du ki def’ukọ-i, k’ẹ la ñwago kpai ẹñwu k’ẹ kọchẹ.

N’UMA NYỌGBA

K’a g’ọna ki Baibul ch’atẹko amonẹ le, alu k’ẹ neke jidadi Baibul egba le, kpai ẹñwu ki chi ki nyọ k’ẹ tene atẹko todu ki Baibul ki nẹr’ẹ eju.

3. Baibul neke nẹ wa le t’ọna ọkpakpa

Baibul dab’uganẹ ki n’ukpahiu. Baibul neke ch’atẹko wa k’a ma amẹñwu ọmẹmẹlẹ k’ache, k’a la ñọ ma ẹñwu ki ana che ejọgba.

Gba Eli Ekọ D’Ọjọ 119:105, ubilẹ mẹ ch’oluka oji am’ene-i:

Abu Baibul dẹ eju Ak’eli D’Ọjọ ki dẹ?
Abu Baibul dẹ eju wẹ?

4. Baibul neke dohi am’ene wa

Onobulẹ ka li kaki Baibul dohi am’ene ki ad’ihianyi ñwu kw’ọdọ wewe. G’IFIDIO-i, ubilẹ mẹ ch’oluka oji am’ene-i.

IFIDIO: Ọla Wẹ K’i Kpa Oji Ukibeno Wẹ N (1:48)

Ef’ifidio-i, ọla am’ene ẹñwu onobulẹ-i nẹ?
Abu ukọchẹ Baibul ch’atẹko ñwu?

Baibul ad’ibe ñwu wa k’a na n’ene. Gba Matiu 7:7, ubilẹ mẹ ch’oluka oji ene-i:

Am’ene ẹñwu ẹ nẹ ki Baibul neke dohi-wñ?

5. Ẹ neke jidadi Baibul egba

Amonẹ wewe ajidadi Baibul egba, ma la ajile kwefu-wñ. G’IFIDIO-i, ubilẹ mẹ ch’oluka oji am’ene-i.

IFIDIO: Baibul Egba (2:05)

Ef’ifidio-i, abu ẹdọ amagbadufu dẹ lugbo ọtakada egba?
Abile ki Baibul egba añ’uma eju?

Ukọ ki defu Baibul ad’ugbẹdọ kpai ukibeno ñwu wa. Gba Abo Rom 15:4, ubilẹ mẹ ch’oluka oji ene-i:

Ẹ ñeju ugbalutanẹ ki defu Baibul lugbo ugbẹdọ kpai ukibeno?

6. Abomunẹ neke chatẹko wa ki Baibul k’i nẹru wa eju

Dagba k’amonẹ agba Baibul kp’ọlama-i, amonẹ wewe che li kakini ichẹñwu k’onẹ ach’ukọchẹ Baibul kpai ama, e-lẹ ajẹñwu ki nẹru ma eju nyọnyọ. Gba Ẹwñ 8:26-31, ubilẹ mẹ ch’oluka oji ene-i: