Ukọchẹ 4

Ẹnẹ ch’Abulumonẹ?

Setan Abulumonẹ lẹ—ugbo ikwo wa? (1, 2)

Abu Setan ako amonẹ la? (3-7)

Ẹwñ chi ki dukpẹ k’ẹ kp’ọna ny’Abulumonẹ lẹ? (7)

1. Ọla “abulumonẹ” che ẹnẹ ki arọlemi bibi ny’ẹnẹ omunẹ. “Setan” che ẹn’ọla abẹk akọbọ. Ọla ku ma du ñw agboji ẹn’ọla Ọjọ dẹ. Ejodudu, ich’onuchẹ ọjọ ki jọkpa ki dugbo Ọjọ efojale. I chaka dabalẹ, ubianẹ ikp’ibe ọla-wñ ololo tak i tene e dojikanẹ ki ch’e-Ọjọ kpala ki mud’e-wñ.—Matiu 4:8-10.

2. Onuchẹ Setan-i kọla ñw If lef ejo. Lef erọlemi ñwu, ijẹ ñwu kọ egbomu Ọjọ gbọ. Setan kobọ ẹwñ ku ma dọ “ọfẹ” Ọjọ, abẹk ugwugwu-wñ dab Ọchamachala. Setan ch’ibe meji eji ichẹwñ k’Ọjọ neke j’ọfẹ ki nyọ bajọ tule ñw abo ki j’ef uwñ. Setan ñọ ch’ibe meji eji ichẹwñ k’onilẹ neke gwugwu ef ekpẹdọr’Ọjọ-wñ. Lef ech’e-kidẹ, Setan m’ọla-wñ du ch’ẹn’ọla Ọjọ. Ẹwñ ki chi ku ma dọ Setan Abulumonẹ lẹ dẹ.—Abakwanẹ 3:1-5; Job 1:8-11; Ọla Ebitẹ 12:9.

3. Setan che ki gw’amonẹ ọgwọ ku ma dojikanẹ ñwu. (2 Abo Kọrint 11:3, 14) Ọna’ka ki ak’amonẹ la che lef ọjọ egwa ọlemi. Ichẹwñ k’ọjọ egwa du ak’ukọ ọlemi lugbo Ọjọ, abẹk ibe ki Setan kpẹ i ache lẹ. (Jọn 8:44) Abo du ku ma def ọjọ egwa ọlemi neke kẹdọno gbitigbiti kakini Ọjọ ochochi ma adojikanẹ ñwu lẹ. Ama Setan ma arẹ pee lẹ. Owñ ‘ch’ọjọ ilẹ-i.’—2 Abo Kọrint 4:4.

4. Obochi eche ñọ ch’ọna omunẹ ki Setan ak’amonẹ w’ef ukpahiu-wñ. Ma neke dọ amafu ku ma gb’uma tanẹ, ku ma ch’abo omunẹ ẹbiẹnẹ, ku ma ka ejọgba, abẹk uma che am’ẹwñ awuwu. Setan che ukpahiu afu bibi ki d’ubi amẹwñ abalẹ chakaa lẹ. Todu k’a b’Ọjọ ẹdọ, ich’otila k’awe n’ẹwñ k’a che kpai obochi eche.—Ọlọda Ekeji 18:10-12; Ẹwñ 19:18, 19.

5. Setan ñọ ak’amonẹ la lef uba eba todu ọlọpu ma kpai edojikanẹ ñw ujọ amajuja ọfẹ. Abo ki bọ  kp’ibe kakini uchẹ ma abẹk ọlọpu-ma nyọ t’e-abomunẹ le. Ama e-ch’ochochi dẹ n. (Ẹwñ 10:34, 35) Abo ki bọ k’ejuno ujọ amajuja ọfẹ ku ma che amakanya onẹ kpa. Lef eche e-kidẹ, ma kọ Ojanẹ Ọjọ tinyọ. Owñ kate ache amakanya wa kpa.—Daniẹl 2:44.

6. Ọna omunẹ ki Setan ak’amonẹ la che lef ejuma-ma kpai ẹñọ adure eche. Jihofa ka ñwu wa kakini k’a kwo b’adure eta tẹ todu ki ma kakini ma ache wa ẹbiẹnẹ. (Abo Galatia 6:7, 8) Ab omunẹ neke tene k’ẹ lebọ-ma ef ẹwñ abalẹ eche. Ama ẹ rewa kakini, Setan ch’ẹnẹ ki tene k’ẹ che amẹwñ-i du.—1 Abo Kọrint 6:9, 10; 15:33.

7. Setan neke du edoli abẹk akobọ ch’ukọlọ ki jẹ ñwẹ tu Jihofa nọ. Ẹdọ abo ufẹdọ-wẹ neke kpabiẹ nyọnyọ todu k’ẹ ch’ukọchẹ Baibul. Ab’omunẹ neke k’ẹ ru. Ama ẹnẹ ej’ọ ọmẹ ọlai-wẹ? Setan atene ki ny’ẹ ailo todu k’ẹ we ekọchẹ lugbo Jihofa. Ẹjẹ ñw Setan ki f’ẹ du n! (Matiu 10:34-39; 1 Pita 5:8, 9) Lef ekpọna ny’Abulumonẹ lẹ, ẹneke che k’ẹdọ Jihofa ki bọ ­kakini ẹgwọnyu ọfẹ Wñ.—Ita, Ita 27:11.

[Amifoto ki joji ẹpa 9]

Ọjọ egwa ọlemi, obochi eche, kpai edatẹ ọlọpu ak’amonẹ la

[Foto ki joji ẹpa 9]

Ẹkpọna nyu Setan lef ekọchẹ lugbo Jihofa alo-waa