Ukọchẹ 9

Adu Ọjọ Dukpẹ ki Afẹ Tila

Ẹwñ chi ki chotila k’a fẹ ọna du? (1)

Ẹwñ ch’ofe efẹ ef afu? (2) efẹ ali? (3) efẹ ibe? (4) efẹ añọla? (5)

Ọla ukọlọ ki ma fẹ n nya dukpẹ k’a t’ọnọ? (6)

1. Jihofa Ọjọ ch’efẹ ila afọ. I aneju k’abo ku ma adojikanẹ-wñ ku ma jọ ef ẹfẹ—ef afu, ef ali, ef ibe, kpai añọla. (1 Pita 1:16) I anẹ okikili eche gbali tak agwugwu ef efẹ ej’Ọjọ. Aj’efilẹ ki ma fẹ n. I dukpẹ k’awa onugo ki fejugbiti ugbo ẹwñ ẹbiẹnẹ eche. Ama aki t’ọla-wa nọ n.

2. Efẹ ef Afu: Ichẹwñ ka tene erẹ Jihofa, aneke gwọnyu amukọ abẹk amọgwu e-ọjọ egwa ọlemi du n. I dukpẹ k’a kw’ef ọjọ egwa ọlemi dufu k’a we gb’ọ munẹ ọna du. (2 Abo Kọrint 6:14-18; Ọla Ebitẹ 18:4) Alu k’a f’ochochi lugbo Ọjọ kọchẹ mẹ, anago todu k’abo ki ak’ukọ ọlemi ki we ko wa la.—2 Jọn 10, 11.

3. Ali ki Fẹ: Jihofa tene k’abo ku ma dojikanẹ ñw u ku ma che dab  aboKraist ochochi iko tiko du. (1 Pita 2:12) I a li ẹwñ du k’a che, ichaka ch’ef umaja. (Abo Hibru 4:13) Aki t’abutabu eche kpai amuche ki ma fẹ n ilẹ-i ki bọ nọ.—1 Abo Kọrint 6:9-11.

4. Ibe ki Fẹ: I chẹwñ ka fẹdọ-wa kpẹkọ kpai ibe ekpẹ, ki fẹ, ali-wa onugo afẹ. (Abo Filipai 4:8) Ama ichẹwñ ka doji amẹwñ ki ma fẹ n, adojijọ-wñ ch’ẹwñ ẹbiẹnẹ eche. (Matiu 15:18-20) Aki kw’ọna ẹwñ ki a ch’ẹdọ-wa iwa. Aneke f’ẹdọ-wa kpẹkọ-wñ ibe ekpẹ ki fẹ lef Ọla Ọjọ ekọchẹ.

5. Añọla ki Fẹ: Todu ku ma koji Ọjọ, aboKraist f’ọla-ma kpai ukpo-ma che ki fẹ. Ana gw’ọwọ-wa ichẹwñ ka kw’ubioko, ala na gw’ọwọ-wa tak ajẹwñ abẹk ed’ọwọ kado ujẹwñ. Ichẹwñ kẹ ma nẹ ugbo ku ma ak’ẹwñ iwa jọ gbolo n, ẹm’iwa ki kw’ubioko lẹ ko gwaji. (Ọlọda Ekeji 23:12, 13) Eche k’añọla ki fẹ an’ọlafia ọla wa. Unyi ẹnẹKraist ki na fẹ t’ejefu kpai ejọdọda. I ki dago dab ujiwe ẹnyọ ef adogbe lẹ.

6. Ukọla ki Fẹ: Otila iche k’adu Ọjọ ki na k’ochochi ẹgbadu. Ẹn’ọlemi agwudu t’Ojanẹ Ọjọ n. (Abo Ẹfẹsus 4:25; Ọla Ebitẹ 21:8) AboKraist adu ichi ẹbiẹnẹ chukọlọ n. Ma neke neti ru abẹk echiya iwa abẹk eka inabali ki ma fẹ n. Todu kọla-ma ki fẹ, ma dago ojoji ojukọlọ abẹk i skul kpai adogbe-ma.—Abo Ẹfẹsus 4:29, 31; 5:3.

[Amifoto ki joji ẹpa 18, 19]

Otila iche k’adu Ọjọ ki fẹ ef ẹwñ du