Ukọchẹ 10

Amuche k’Ọjọ Achulaka

Ab’ẹ kp’ibe oji amẹwñ k’Ọjọ kakini ma biẹnẹ? (1)

Ẹwñ chali udọlaga ki ma nyọ n? (2)

Ẹwñ ch’ibe ẹnẹKraist ugbo ọlemi? (3) ọkọ eta? (3) oji eji? (3) alachi eche? (4) obochi eche? (5) ọtẹ eñwọ? (6)

Ab’onẹ neke kwo b’amuche bibi tẹ? (7)

1. Adu Ọjọ afẹdọ ẹwñ ẹnyọ. Ama ichotila ku ma kọchẹ echulaka ẹwñ ẹbiẹnẹ. (Eli Ekọ d’Ọjọ 97:10) E-lẹ che kakini ma t’amuche du k’Ọjọ achulaka nọ. Ẹwñ la chamuche lẹ ki bọ?

2. Abutabu Eche: Edachi tak uma n’ọla-ma, ẹñọya eche, eche dab’ẹla oko, onẹ e b’ef uwñ dachi, kpai ọnẹkẹlẹ eb’ọnẹkẹlẹ dachi chakaa ch’adure lile ugbo Ọjọ. (Abo Lifai 18:6; Abo Rom 1:26, 27; 1 Abo Kọrint 6:9, 10) I chẹwñ k’ọkọ ñ’ọya ma n’ọla-ma n ama ma jọ dama, ma mu daru chọkpọni ma f’ọla-ma nẹ nyọnyọ ke.—Abo Hibru 13:4.

3. Ọlemi Ẹrọ, Ọkọ Eta, Oji Eji: Jihofa Ọjọ neke remi n. (Taitọs 1:2) Ẹnẹ ki tene ki nyọ eju-wñ ich’otila ki we remi. (Ita, Ita 6:16-19; Abo Kọlọse 3:9, 10) Ọkọ eta du ch’ejufufu dẹ. Todulẹ aboKraist n’ọwọ ef ọkọ eta, dabu tikẹti, anyẹla edu rule, kpai ọtẹ n. (Abo  Ẹfẹsus 5:3-5) AboKraist la ajoji n. Ma gwejugede la ẹwñ ku ma du oji abẹk ẹwñ du ku ma ma dọda ñw ma n.—Akwodufu 20:15; Abo Ẹfẹsus 4:28.

4. Ẹdọfulu Eche, Alachi Eche: Ẹdọfulu k’onẹ ma neke gwonyu n neke jẹwñ ch’alachi. (Abakwanẹ 4:5-8) Ẹn’alachi neke ch’onukwu Ọjọ n. (Eli Ekọ d’Ọjọ 11:5; Ita, Ita 22:24, 25) Ẹbiẹnẹ iche k’anachẹ abẹk ed’ẹbiẹnẹ koji ẹbiẹnẹ kab’omumẹ che wa.—Ita, Ita 24:29; Abo Rom 12:17-21.

5. Ifamu Kpai Obochi Eche: Abo ki bọ adọ ukpahiu amafu ku ma ch’ọgama kpa. Ab omunẹ a ch’ogwu ru amẹnẹbi ma ku ma jẹ ñwu ma chọga abẹki ku ma lekwu. Ukpahiu ki dubi amẹwñ abẹ-i du che Setan. Todulẹ aboKraist ki we n’ukpẹ ef ẹwñ abalẹ du. (Ọlọda Ekeji 18:9-13) Egwugwu mẹru Jihofa ki gba wa tanẹ kw’ef ogwu du k’ab omunẹ che ru wa nyọ tule.—Ita, Ita 18:10.

6. Ọtẹ Eñwọ: Ibiẹnẹ k’onẹ ki ñm’ọtẹ, beer, abẹk ẹwñ eñmọ du k’ọjọwñ d’ọ pẹẹ n. (Eli Ekọ d’Ọjọ 104:15; 1 Timoti 5:23) Ama eñmọ tabale k’ẹ ñwọ biẹnẹ ej’Ọjọ. (1 Abo Kọrint 5:11-13; 1 Timoti 3:8) Eñmọ tẹgwule akp’ọlafia-wẹ biẹ ila akp’unyi-wẹ biẹ gẹ. I la añọ jẹ ñw ẹ gb’ọwọẹlọ hika ef ajama ki bọ.—Ita, Ita 23:20, 21, 29-35.

7. Ẹnẹdu ki a che ẹwñ du k’Ọjọ kak ibiẹnẹ neke ‘jẹ ẹwñ ogwu Ojanẹ Ọjọ n.’ (Abo Galatia 5:19-21) I chẹwñ k’ẹ fẹdọ Ọjọ kẹ la tene eb’ọ ẹdọ, ẹneke kwo b’amẹwñ-i du tẹ. (1 Jọn 5:3) Kọchẹ k’ẹ chulaka ẹwñ du k’Ọjọ kakini ibiẹnẹ. (Abo Rom 12:9) Ẹdama kpai abo ku ma nẹ ali ẹnyọ. (Ita, Ita 13:20) E le kpai ẹnẹKraist ki dẹ kpaka ch’ẹtẹ abunẹ-wẹ gbali. (Jemẹs 5:14) E-ki tule chakaa, ẹd’iñmi no abunẹ Ọjọ lef adua.—Abo Filipai 4:6, 7, 13.

[Amifoto ki joji ẹpa 20, 21]

Ọjọ achulaka ọtẹ eñwọ, oji eji, ọkọ eta, kpai alachi eche