Ukọchẹ 16

Ibe kẹ Kpẹ k’ẹ r’Ọjọ

Ẹwñ ẹche tila kẹ mud’onukwu Ọjọ? (1, 2)

Ab’ẹ che edọla-wẹ datẹ ñw Ọjọ wẹ? (1)

Ẹgba ẹdukpẹ k’ẹ che baptism? (2)

Ab’ẹneke nẹ ukpahiu kẹ gwugwu ef ẹdọ ekono Ọjọ? (3)

1. Takẹ d’onukwu Ọjọ, i dukpẹ kẹ n’uma ochochi Baibul nyọnyọ (1 Timoti 2:3, 4), mẹdọ kono amẹwñ kẹ kọchẹ lẹ (Abo Hibru 11:6), mibe rida b’adurẹ-wẹ tẹ (Ẹwñ 17:30, 31), kpai mu rida ef ọlai wẹ. (Ẹwñ 3:19) Ẹgbalẹ tak ufẹdọ-wẹ ñwu Ọjọ ajẹñwẹ d’ọla wẹ datẹ ñwu. Ẹ-che kakini ef adua ọtọtọla-wẹ, ẹka ñwu kakini ẹd’ọla-wẹ ñwu todu k’ẹ che ẹwñ ki d’ọ ẹdọ.—Matiu 16:24; 22:37.

2. Ubi kẹ m’ọla-wẹ du datẹ ñw Ọjọ, efu baptism che. (Matiu 28:19, 20) Baptism ajẹ ñw ẹnẹdu ma kakini ef ọla-wẹ datẹ ñwu Jihofa mẹ. Todulẹ baptism ch’e-abogijo ku ma bajọ ekp’ibe ku ma r’Ọjọ. Ẹgba du k’onẹ ache baptism, ma m’añọla-wñ chakaa du tuny’omi ki dọmọ pẹẹ. *—Mark 1:9, 10; Ẹwñ 8:36.

3. Ubi kẹ m’ọla-wẹ du datẹ, Jihofa aneju kẹ gwugwu efu ugbalutanẹ-wẹ. (Eli Ekọ d’Ọjọ 50:14; Akọla ñw Ujeju 5:4, 5) Abulumonẹ lẹ achalu ki ache k’ẹ we r’Jihofa. (1 Pita 5:8) Ama ẹtẹ mẹr’Ọjọ ef adua eche. (Abo Filipai 4:6, 7) Ẹ kọchẹ Ọla ñwu Ọjọ du. (Eli Ekọ d’Ọjọ 1:1-3) Ẹ tẹmẹru ujeju abudọ ondu. (Abo Hibru 13:17) Lef eche amẹwñ-i du, ẹneke n’ukpahiu kẹ gwugwu ef ẹdọ ekono ñw Ọjọ. Ogbegbelẹ nyilẹ wa ẹneke che amẹwñ k’Ọjọ tene ugbo wẹ!

[Ọla ki Manyu]