Ukọchẹ 11

Ukẹdọno Kpai Amọgwu ki Akp’Ọjọ Ẹdọ Biẹ

Ọla ukẹdọno kpai amọgwu nya bienẹ? (1)

I dukpẹ k’ẹnẹKraist ki kẹdọno Ọjọ m’Ẹta ef Oka? (2)

Ẹwñ chi k’aboKraist ma ch’ucholo Krismasi, Ista, abẹk ọjọ ebi n? (3, 4)

Ẹnẹ ki kwu neke ch’ẹnẹ ki deju ebiẹnẹ? (5)

Jisọs kwu ojoli akọfida? (6)

Ab’ebỌjọ ẹdọ ch’ẹwñ kpaka kade? (7)

1. ch’amukẹdọno kpai amọgwu chakaa biẹnẹ n. Ama Ọjọ neke gba ma ichẹwñ ku ma wa kw’ef ọjọ egwa ọlemi abẹk uma ch’agwunyi amukọ Baibul n.—Matiu 15:6.

2. Ẹta ef Oka: Jihofa ch’Ẹta ef Ọjọ—onẹ mẹta ef Ọjọ ’ka? Ọda! Jihofa, Ata lẹ, ‘ch’Ọjọ ochochi kate.’ (Jọn 17:3; Mark 12:29) Jisọs ch’ọmọgba-Wñ Ọnẹkẹlẹ, ila d’ọwọ Ọjọ. (1 Abo Kọrint 11:3) Ata t’Ọma le-i. (Jọn 14:28) Afu kiafọ ch’onẹ n; ukpahiu Ọjọ iche-i.—Abakwanẹ 1:2; Ẹwñ 2:18.

3. Krismasi kpai Ista: Ma bi Jisọs ọjọ Kochu Ẹkẹgweji nolu 25 n. Ma bi dabu Ochu Ẹkẹgwa nolu 1, adiko ef ọdọ ẹgba k’amadide ala ak’amala-ma dufu-t’ọdọda odu. (Luku 2:8-12) Jisọs d’ọda ñw aboKraist ku ma ch’ucholo ebi-wñ n. Chai, ika ñw amakọchẹ-wñ ku ma ch’arewa, abẹk erewa, ukwu-wñ. (Luku 22:19, 20) Krismasi kpai amọgwu-wñ wa kw’ef amọjọ egwa ọlemi igbele. Abalẹ idẹ ñw ọgwu Ista gẹ, dabu edu ẹgẹ abẹk akoto ch’ẹwñ. AboKraist ejodudu ch’ucholo Krismasi abẹk Ista, abẹk aboKraist ochochi eñini la che n gẹ.

4. Ọjọ Ebi: Abo meji tete ku ma che ucholo ọjọ ebi ma ki Baibul ka ch’abo ku ma dojikanẹ ñwu Jihofa n. (Abakwanẹ 40:20-22; Mark 6:21, 22,  24-27) AboKraist ejodudu ch’ucholo ọjọ ebi n. Ọgwu ucholo ọjọ ebi wa kwo ọjọ egwa ọlemi igbele. AboKraist ochochi ach’ele ma ñọ n’ẹgba ku ma ajọ dama iko omunẹ ef ọdọ.

5. E Railo Abo ki Kwu: Abo ki kwu neke che ẹwñ abẹk ema ẹwñ du n. Aneke chabunẹ ma n, ma la neke che wa ẹbiẹnẹ n. (Eli Ekọ d’Ọjọ 146:4; Akọla ñw Ujeju 9:5, 10) Onugo onẹ akwu; ideju alo ubi ki lekwu n. (Izikiẹl 18:4) Ama ẹgba’ka amonuchẹ ọjọ, bibi ku ma dọ ma amebili lẹ, ache dabẹnẹ ku ma ch’afu abo ki kwu lẹ. Ọgwu du ki ache kpai erailo abẹk edojikanẹ ñw abo ki kwu nyọ n.—Aizaya 8:19.

6. Oli Akọfida: Jisọs kwu ojoli akọfida n. Ojoli ikwu lẹ. Ọla Grik ku ma jomudechi-wñ “oli akọfida” efu Baibul wewe lẹ che ẹyọ oli kate. Ujiwe oli akọfida wa kwo ef amọjọ egwa ọlemi igbele. AboKraist ejodudu dojikanẹ ñw oli akọfida n. Todabalẹ, ẹneju kakini i anyọ k’a dojikanẹ ñw oli akọfida?—Ọlọda Ekeji 7:26; 1 Abo Kọrint 10:14.

7. Ineke gbiti et’amukẹdọno kpai amọgwu ki bọ nọ. Amefu-wẹ kpai amonukwu-wẹ neke ch’alu ku ma che ku ma gb’ẹ ibe todu k’ẹ we r’ukẹdọno-wẹ da. Ama eb’Ọjọ ẹdọ ch’ẹwñ kpaka t’ebonẹ ẹdọ le.—Ita, Ita 29:25; Matiu 10:36, 37.

[Foto ki joji ẹpa 22]

Ọjọ chẹta ef oka n

[Foto ki joji ẹpa 23]

Krismasi kpai Ista wa kw’ef ọjọ egwa ọlemi igbele

[Foto ki joji ẹpa 23]

I dukpẹ k’a dojikanẹ ñw abo ki kwu abẹk erailo ma n