For the second letter wey Paul write to the Corinthians, e talk say when e reach Macedonia e de worry about them. But when Titus come back from Corinth, e tell Paul the better news about wetin the brothers for Corinth do when them receive im first letter. This one make Paul mind come down. That time na around 55 C.E., and na im Paul write 2 Corinthians and e show say e still dey Macedonia that time. (2 Cor. 7:5-7; 9:2-4) One thing wey really dey important to Paul that time, na how e go finish the work to collect contribution for the brothers for Jerusalem. (2 Cor. 8:18-21) Paul still de worry because some ‘lie-lie apostles wey de deceive people’ dey the congregation for Corinth.—2 Cor. 11:5, 13, 14.

E fit be say Paul dey Macedonia when e write letter to Titus. After the first time wey Paul dey prison for Rome and them come free-am, Paul visit the Island of Crete around 61 to 64 C.E. Paul leave Titus for there so that Titus go appoint elders and correct some problems for there. (Titus 1:5) Paul tell Titus say make e meet-am for Nicopolis. E get many cities around the Mediterranean sea wey them de call Nicopolis that time, but e be like say Paul de talk about the Nicopolis wey dey the northwest part of Greece. E fit be say Paul de preach for that area or e de preach near there when e write to Titus.—Titus 3:12.

Paul still write im first letter to Timothy around 61 to 64 C.E., and this na after the first time wey e dey prison for Rome but na before the second time wey e dey prison for there. For the beginning of this letter, Paul show say e tell Timothy to stay for Ephesus but Paul imself go Macedonia. (1 Tim. 1:3) So, e be like say na from Macedonia Paul write letter to Timothy and e advice-am the way papa de advice im pikin. E still encourage-am and tell-am how to handle some matter for the congregations.

“AmaJu La J’alu Ny’u” (Ẹwn̄ 20:3, 4)

8, 9. (a) Ẹn̄wu jẹn̄wu Pọl ribe-wn̄ da et’ọkọ nyi Siria? (b) Ẹn̄wu chi k’amaJu ach’ulaka Pọl?

⁸ Gba al’ichi Pidgin, Ẹnẹfu

⁹ Gba al’ichi Pidgin, Ẹnẹfu

10. Ẹn̄wu ẹbiẹnẹ i che ki Pọl ma nyi Sẹnkria? K’anẹreju.

¹⁰ Gba al’ichi Pidgin, Ẹnẹfu

11. Ẹn̄wu a neke che en̄ini-i todu ka f’ọla wa de, ẹn̄wu ch’ujiwe ki Jisọs du tanẹ lugbo ef’ọla wa de?

¹¹ Gba al’ichi Pidgin, Ẹnẹfu

PAUL BRING THE CONTRIBUTION

For the years after Pentecost 33 C.E., the brothers for Jerusalem really suffer because people de suffer them because of their faith, them de thief their things, and food really scarce. Many of the brothers come dey poor because of this things. (Acts 11:27–12:1; Heb. 10:32-34) So, around 49 C.E. when the elders for Jerusalem tell Paul make e preach to people wey no be Jew, them still tell-am to “remember poor people.” This na exactly wetin Paul do as e arrange make the congregations contribute money to help the poor people.—Gal. 2:10.

For 55 C.E., Paul tell the brothers for Corinth say: “Una fit follow the things wey I say make the congregations for Galatia do. For the first day of every week, make each of una keep something according to wetin e get, so that no be when I come una go de collect the contributions. But when I come there, I go send the men wey una letters show say una choose to carry the gifts wey una give from una heart go Jerusalem.” (1 Cor. 16:1-3) Small time after this one, when Paul write im second letter to the Christians for Corinth e encourage them to finish the work wey concern to collect the contribution money and e still tell them say the brothers for Macedonia de contribute too.—2 Cor. 8:1–9:15.

So for 56 C.E., brothers from many congregations meet Paul to give-am the contributions. Paul dey safe as eight brothers travel with-am instead of-am to travel by imself with the money. Because this brothers follow Paul travel, nobody go fit talk say Paul thief from the money. (2 Cor. 8:20) The number one reason why Paul want go Jerusalem, na for-am to fit carry the money reach there. (Rom. 15:25, 26) Paul later tell Governor Felix say: “After many years, I come so that I go fit give gifts to help poor people for my nation and to do sacrifice them.”—Acts 24:17.