Tak ẹ na ch’ukọchẹ kp’onẹ

1. 1. M’ọla nyọnyọ. Alu k’ẹ mọla ukọchẹ lẹ, kpibe oji ekwu k’ẹnẹ kẹ ch’ukọchẹ kp’own̄ nẹ, manyu amẹn̄wu ki alegudu kpai amẹn̄wu ki kẹdọno. Yaye oji amẹnwu ki neke gbiti enẹru ẹnẹlẹ eju abẹk edu chukọlọ. Kpibe alu k’oji-ọla kẹkẹ ki che “Kọchẹ Manyu” neke chabunẹ ẹnẹ kẹ ch’ukọchẹ kp’own̄, kẹ la m’ọla edu chekwu iko ki dukpẹ.

Iko k’ẹ ch’ukọchẹ kp’onẹ

1. 2. Chanẹ kẹ la kpoji kp’adua ichẹn̄wu k’ẹnẹ lẹ ma n’ihianyi kpai adua eche n.

2. 3. Ẹ ki kọla tabale n. Ẹ ki kwefu oji-ọla ku mẹ ch’ukọchẹ n̄wu n. Jẹn̄wu ki k’ẹn̄wu ki defu ẹdọ-wn̄.

3. 4. Ichẹn̄wu kẹ tene chanẹ ukpẹ titọ, gba Ẹn̄wu Kẹ Na Kọchẹ Ef’ukpẹ-i kẹ la ka am’oji-ọla ka ki def ukpẹ lẹ.

4. 5. Ichẹn̄wu kẹ w’ukpoji ukpe ka, d’amene ki d’ukpoji ukpẹ lẹ chatẹko ẹnẹ kẹ ch’ukọchẹ kp’own̄ ki neke rewa ẹnwu ku mẹ kọchẹ ef ukpẹ lẹ.

5. 6. Efu oji-ọla du kẹ kọchẹ kpai onẹ:

   1. Gba am’ọgba ki def ukpẹ ejodudu ef’oji ọla ku mẹ kọchẹ.

   2. Gba ọgbọ am’ọgba Baibul ku ma kọ “Gba” t’iba ma.

   3. Ẹ n̄ọ neke gba am’ọgba Baibul omune ki dọmọ.

   4. G’ọchaka vidio ku ma kọ “Go” t’iba ma (ichẹnwu ki jẹ che n̄wẹ).

   5. T’ẹnẹ kẹ ch’ukọchẹ kp’own̄ ene du ki defu oji-ọla ku mẹ kọchẹ.

   6. Ka n̄wu ki g’amifoto ki d’ọganẹ oji-ọla kẹkẹ ki che “N’uma Nyọgba”, kẹ ka n̄wu ki kọla oji n̄wu.

   7. D’oji-ọla kẹkẹ ki che “Ẹn̄wu kẹ neke che” chatẹko ẹnẹ kẹ kọchẹ Baibul kp’own̄ ki neke ma ichẹn̄wu kia nyọgba. Ẹ neke d’ugbẹdọ n̄wu ki chẹn̄wu ki defu oji-ọla lẹ abẹki ki kpibe ẹn̄wu omunẹ ki neke che, i la neke ch’ejeji n̄wu.

   8. T’ẹnẹ kẹ ch’ukọchẹ kp’own̄ ene ichẹn̄wu ki n’oji-ọla abẹki vidio ki defu “Kọchẹ Manyu” ki nyọ n̄w tule iko kia mọla ukọchẹ nw.

   9. Feju gbiti ku mẹ kpoji oji-ola ka iko du ku mẹ ch’ukọchẹ.

Ubi ku mẹ kpoji ukọchẹ

1. 7. Na kpibe lugbo ẹnẹ kẹ ch’ukọchẹ Baibul kp’own̄. Chadua ki Jihofa ki denyọ n̄wu ẹnẹ lẹ ki na nyọgba, kẹ n̄ọ chadua ki Jihofa ki d’ibe n̄w wẹ kẹ ma alu kẹ neke ch’abune-wn̄.