Ẹn̄wu ki Jisọs Che

Ẹn̄wu A Kọchẹ Kwugbo Jisọs?

2. A ch’ukpẹ ka d’ufẹdọ n̄a, ama a dukpe ka na k’ọla tejugede n̄w ẹnẹ ka ch’ukọche Baibul kp’own̄ ki neke na gbọgba efu e tẹmẹru Jihofa.

 Ch’awọli Jisọs

3. Chatẹko ẹnẹ kẹ ch’ukọchẹ Baibul kp’own̄ ki n’ẹn̄wu ki n̄wa tanẹ ki che.

1.    D’oji ọla kẹkẹ ki che “Ẹn̄wu kẹ neke che” efu ọtakada Jura Abajọ-i Atu Ogbegbelẹ! chekwu.

2.   Chabunẹ ẹnẹ kẹ ch’ukọchẹ kp’own̄ ki ma am’ọna ki neke ch’ẹn̄wu ki n̄wa tanẹ ki che abajoi kpai e-ki neke che ejọgba.

3.   Na jẹn̄yu n̄w ẹnẹ kẹ ch’ukọchẹ Baibul kp’own̄ ikoduu ef unyọgba n̄w.

4. Ẹ ch’ukpẹ ema en̄wu kia kp’ọna nyu ẹnẹ kẹ ch’ukọchẹ Baibul kp’own̄ ki neke nyọgba, kẹ la chabunẹ n̄wu ki neke nyọgba.

1.    T’ọla wẹ amene-i:

   • ‘Ichẹn̄wu k’ẹnẹ ku na ch’ukọchẹ Baibul kp’own̄ ma ny’ọgba ki che baptism n, ẹn̄wu a kp’ọna nyu?’

   • ‘Ẹn̄wu u neke che ku ch’abunẹ n̄wu?’

2.   Ch’adua kẹ n’ẹdọ ẹgbo eka n̄wu pee ẹn̄wu ki dukpẹ eche, kẹ la ch’ekidẹ kpai ufẹdọ.

5. F’ọwọ n’ukọchẹ duu ki ma nyọgba n.

1.    Ẹ tene ma ichẹnwu ki dukpẹ kẹ f’ọwọ n’ukọchẹ ka, t’ọla wẹ amene-i:

   • ‘Ẹnẹ ku na ch’ukọchẹ kp’own̄ ad’ẹn̄wu ki a kọchẹ chukọlọ?’

   • ‘I aw’ujeju, i la akan̄wu abomunẹ ẹn̄wu kia kọchẹ?’

   • ‘Alu ki ch’ukọchẹ t’ugbo ka, i atene ch’Ẹnibenu Jihofa?’

2.   Ichẹn̄wu k’ẹnẹ kẹ ch’ukọchẹ Baibul kp’own̄ ma tene ch’arida ki nyọgba n:

   • Ka n̄wu ki kpibe ẹn̄wu ki neke chẹn̄wu kia kp’ọna nyu ki ma ny’ọgba n.

   • D’ibe ka n̄wu ẹn̄wu ki chi kẹ tene f’ọwọ n’ukọchẹ n̄wu.

   • Ka n̄wu ẹn̄wu ki neke che taki dabi chanẹ ukọchẹ n̄wu.