Ujeju Amẹnibenu Jihofa
Emi ch’ugbo k’ẹ m’ẹñwu ki lugbo am’ujeju wa. Ẹ ñọ neke tene ugbo k’a ch’ujeju wa ogbegbele wẹ.
Ẹñwu A Ch’ache Ef’ujeju Wa?
Amẹnibenu Jihofa ach’ujeju onu meji ef’aladi duu. (Abo Hibru 10:24, 25) Ef’ujeju k’abo duu awa ki dẹ, a kọchẹ ẹñwu ki Baibul ka kpai ọna k’a neke du chekwu ef’ọla-i wa.
Ojile am’ujeju wa n’iko ku ma ad’uña tẹ ñwu amonẹ ku ma kọla, dabalu ku ma ch’ache iskul. Ẹnẹ du ki atene dohi neke dohi. I ch’otila i che n. Ujeju wa achanẹ kp’eli manyu adua, i la akpoji kp’eli manyu adua gẹ.
I ch’otila i che k’ẹ ch’ẹnẹ ka ef’Amẹnibenu Jihofa tak’ẹ w’ujeju wa n. A dọ abo duu ku ma w’ujeju wa. Ugwugwu ch’alafa, i n’ọkọ era abẹki ọkọ edu t’ugba n.
